Sèrbia

C'l artìcul chè 'l è scrit in Miranduléś

La Sèrbia (a s diś Republika Srbija in Sèrb) l'è na nasiòṅ dl'Európa dal sud ch'la s cata in dla penìśula balcànica. La sò pupulasiòṅ, tirànd via qvéla dal Kósovo ch'l'è na sò regiòṅ a sud ch'la cunfìna cun l'Albanìa e ch'la vōl dvintàr indipendènta, l'è dagnóra 'd sèt migliòṅ e mèś 'd abitànt par na superfìsi 'd 88.361 km². L'è divìśa in vint-nóṿ distrét e la sò munéda 'l è 'l dìnar sèrb.

La capitàł 'l è Belgrâd méntar gl'àtar sèntar più impurtànt i èṅ Novi Sad, sità śmèla 'd Mòdna, Niš e Kragujevac. La cunfìna a nòrd cun l'Ungherìa, a nòrd-èst cun la Rumanìa, a sud-èst cun la Bulgarìa, a sud cun la Macedògna, a sud-òvest c'n al Mòntnégar, a òvest cun la Bòśgna-Erśegòvina e a nòrd-òvest cun la Śluvègna.

Al sò presidènt 'l è Aleksandar Vučić méntar la prima minìstra l'è l'Ana Brnabić.

La Sèrbia cuma stat indipendènt la gh'è da 'l 4 ad Śugn dal 2006 quànd la s è divìśa da 'l Mòntnégar mént'r in fiṅ a 'l 1992 la fava part dla Juguślàvia.

Al 16% di lampòṅ ad tut al mónd i daśvìnan da 'd chè méntar la Sèrbia l'è la secónda nasiòṅ dòp la Cina par la cultivasiòṅ dal brugni.

Culegamènt estéran

• (SR)(IT)(EN) Al sit ufisiàł da guèran

• Wiki Commons contiene file multimediali su Sèrbia