Hindıstan, yew dewleta.
Cayê xo verocê Asya dero. Dewleta Hindıstani zaf gırda; dınya de hewtına (7). Zımeyê Hindıstani de Nepal, Tibet, Çin û Buhutan; verocê cı de Okyanuso Hind û Sri Lanka; rocvetış de Bengladeş û Burma; rocawan de Pakıstan û Deryayê Erebi ca gêno. Paytextê Hindıstani Newê Delhiyo. Hindıstan 28 eyaletan ra yeno pêra (mıteşekkılo). Hindıstan ezayê Mıletanê Yewbiyayeyan û G20iyo. Sistemê idareyi demokrasiya.
Hindıstan | |
---|---|
Desmal û Arma | |
Melumat | |
Ware | Dewlete |
Mıntıqa | Asyaya Veroci |
Embıryani | Nepal, Bengladeş, Butan, Myanmar, Pakıstan, Cumhuriyetê Şariê Çini, İndonezya û Sri Lanka |
İdare | Executive branch of the government of IndiaParliament of India |
Erd | 3 287 263 km2 |
Nıfus | 1 326 093 247 |
Hıkumet | Cumhuriyeto federal |
Serdar | Droupadi Murmu |
Kodê telefoni | +91 |
Leteyê saete | Indian Standard Time |
Kodê interneti | .in |
Zıwano resmi | Hindki û İngılızki |
Merş | Jana Gana Mana |
Cayo tewr berz | Kanchenjunga |
Cayo tewr nızm | Kuttanad |
Pere | Indian rupee |
Ravêrşiyayışê heqa merdıman | 0,63 |
Xerita | |
Tarixê Hindıstani dewlemendiyo. Tewr verên de Medeniyetê Hindus Valey Hindıstan de ronışte bi. Feqet wextê İsayi ra ravêr (İ.R.) 1500 de eşirê Aryanan ameyi Hindıstan. Dıme ra Yunanan, İranıcan, Ereban û Moğalan Hindıstan işğal kerdo. Seserra 18ıne de şarê Ewropa (Portekizi, Fransızi, İngilizi) ameyi Hindıstan. Feqet serra 1861ıne de Hindıstan pêro biyo koloniyê/mıstemera Britanya. Şarê Hindıstani zaf isyani kerdê; feqet Britanya semedê dinanê Hinduizm û İslam ra kontrolê xo ard. Serra 1947ıne de Mahatma Gandhi eskerê Britanya fetelna. Feqet dewleta Hindıstani biye leteyi, Pakıstan niyayo ro. Semedê Keşmıri ra, beyntarê Pakıstan û Hindıstani hewl niyo.
Erdê Hindıstani zaf hira û gırdo. Aye ra iklımê Hindıstani zaf vuriyeno. Zımeyê Hindıstani hem germo, hem zi honıko. Labelê verocê xo zaf germıno, zaf varan vareno. Lasêri zaf zerar danê.
Sûkê gırdi:
Sûka Mumbai zaf ravêr şiya. Mumbai de bina û banê xeylê berzi estê, sûka doviziyo, paytextê borsayo, merkezê iqtısadê Hindıstaniyo. Mumbai merkezê film û xeceliyayışiyo. Bollywood Mumbai ra zaf nezdiyo.
Nıfusê Hindıstani 1,1 milyaro; dınya de dıyıno (2). % 70 şarê Hindıstani dewıco. Nuşkar û wendoğê xo zaf niyê (%65). Nêweşiya AIDSi Hindıstan de yew problemo gırdo. 5.8 milyoni şarê Hindıstani kewtê nêweşiya AIDSi. Hindıstan de mıxtelıf dini estê: Hinduism, İslam, Musewiye, Xırıstiyaniye, Zerduştiye û Bahai. Zıwanê resmiyi zafê; Hindki, İngilizki û xeylê zıwanê bini.
İqtısadê Hindıstan beno gırd. Her serre iqtısadê Hindıstani % 8 beno pil. Hindıstan zaf idxalat (eksport) keno. Semedê ercaniya karkerano ra, şırketê Dewletanê Amerikayê Yewbiyayiyan zaf fabrikan vırazenê. Endustriya komunikasyon, komputer û tıbi Hindıstan de raver şiya.
This article uses material from the Wikipedia Zazaki article Hindıstan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Zerrekê cı bınê CC BY-SA 4.0 de qeyd biyo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Zazaki (DUHOCTRUNGQUOC.VN) is an independent company and has no affiliation with Wiki Foundation.