किरिबाती

किरिबाती (अंग्रेजी: Kiribati) बिचला प्रशांत महासागर के माइक्रोनेशिया में एगो रिपब्लिक देस बा। एह देस के परमानेंट जनसंख्या 1,10,000 से तनिका बेसी बा (2015 में) आ आधा से बेसी लोग तारवा एटॉल पर निवास करे ला। एह संप्रभु रिपब्लिक में कुल 32 गो एटौल आ मूँगा दीप बाड़ें आ एक ठो उतिराइल मूँगा दीप बनाबा बाटे। एह सगरी दीप सभ के सड़मेड़ रकबा 800 वर्ग किलोमीटर (310 वर्गमील) बाटे आ ई समुंद्र में लगभग 35 लाख वर्ग किलोमीटर के दायरा में छितराइल बाने। इनहन के एह छितराव में भूमध्यरेखा भी आ जाले आ 180 डिग्री देशांतर भी आ जाइत अगर एकरा के एह जगह पर दाहिने ओर मोड़ के न गुजारल जाइत (अहिजा ई मोड़ के लगभग 150 डिग्री पच्छिमी के लगे से गुजरे ले)। एह लाइन के मोड़े के कारन किरिबाती के लाइन दीप के समय किरिबाती के समय के साथे-साथ रहे ला। किरिबाती के सभसे पूरबी दीप. दक्खिनी लाइन दीप जे हवाई के दक्खिन में बा दुनिया में सभसे आगे वाली टाइम जोन यूटीसी+14 में पड़े ला।

किरिबाती रिपब्लिक Republic of Kiribati
राजधानी आ सभसे बड़ शहर	तरावा 1°28′N 173°2′E / 1.467°N 173.033°E / 1.467; 173.033
आजादी
• यूनाइटेड किंगडम से	12 जुलाई 1979
रकबा
• कुल	811 किमी2 (313 वर्ग मील) (172nd)
जनसंख्या
• 2015 जनगणना	110,136
• Density	152/किमी2 (393.7/वर्ग मील) (73rd)
जीडीपी (पीपीपी)	2011 अनुमान
• कुल	$599 million
• प्रति ब्यक्ति	$5,721
जीडीपी (नॉमिनल)	2011 अनुमान
• कुल	$167 million
• Per capita	$1,592
करेंसी	किरिबाती डालर ऑस्ट्रेलियाई डालर (AUD)
टाइम जोन	(यूटीसी+12, +13, +14)
ड्राइविंग	बाएँ
कालिंग कोड	+686
इंटरनेट टीएलडी	.ki

किरिबाती के साल 1979 में यूनाइटेड किंगडम से आजादी मिलल आ एकर राजधानी आ सभसे बड़ नगर दक्खिनी तारवा बाटे। एह शहर में कई गो छोट दीप (आइलेट) सामिल बाने आ ई आपस में काजवे द्वारा जुड़ल बाने। ई राजधानी इलाका तारवा एटॉल के लगभग आधा हिस्सा पर बिस्तार लिहले बाटे।

किरिबाती कॉमनवेल्थ ऑफ नेशंस, इंटरनेशनल मोनेटरी फंड (आइएमएफ) आ बिस्व बैंक के सदस्य देस हवे आ एकरा के यूनाइटेड नेशंस के फुल मेंबरशिप साल 1999 में मिलल।