مالطا
مالطا، رسميا لجمهورية د مالطا (بلمالطية: Repubblika ta' Malta - بلينݣليزية: Republic of Malta) هي بلاد أرخبيل جات ف لجنوب د أوروپا، ف لبحر لبيض لمتوسط.
أقرب لبلدان ليها هوما الطاليان (80 كم ف الشمال) و تونس (284 كم ف لغرب) و ليبيا (333 كم ف لجنوب). لمساحة د لبلاد هي 316 كم مربع، و هي عاشر أصغر بلاد ف لعالم من جيهة لمساحة.
مالطا | ||||
| Malta (mt)
| ||||
| نشيد | نشيد مالطا الوطني
| |||
| لعاصيمة | ڤاليطا | |||
| الساكينة | ||||
| شحال دالسكان | 465,292 (2017) | |||
| السمية ديال السكان | مالطي، مالطية، مالطيين, مالطيات | |||
| اللوغات الرسمية | لمالطية نڭليزية | |||
| متوسط ديال لعمر | 81.79756 (2015) | |||
| لجغرافيا | ||||
| لميساحة | 316 كم² | |||
| لقمة لعالية | تا دميجرك (253 م) | |||
| لبلاصة الطايحة | لبحر لبيض لمتوسط (0 م) | |||
| لإدارة | ||||
| نضام الدولة | ديمقراطية نيابية | |||
| رئيس مالطا | جورج فيلا | |||
| رئيس وزراء مالطا | روبرت أبيلا | |||
| لبرلمان | لبرلمان د مالطا | |||
| سلطة لقضائية لكبيرة | Constitutional Court of Malta | |||
| لقتيصاد | ||||
| الناتج الداخلي لكامل | 17,743,376,199 $ (2021) | |||
| لبيطالة (شوماج) | 6 % (2014) | |||
| مؤشر التنمية لبشرية | 0.918 (2021) | |||
| لفلوس | أورو | |||
| معلومات خرة | ||||
| توقيت ديال لبلاد | ڭرينيتش + 1 | |||
| رمز لبلاد | MT | |||
| رمز لانترنيت | .mt | |||
| رمز التيليفون | +356 | |||
| نماري د ليرجونس | 112، 191، 199، 196 و 116117 | |||
| جيهة د صوڭان | ليسر | |||
| السيت الرسمي | gov.mt | |||
مالطا كانت مسكونة من لعوام 5900 قبل لميلاد، و دازو عليها بزاف د لحضارات منهم لفنيقيين و الرومان و لإغريق و لمسلمين و لفرانساويين و لبريطانيين. ف 1813، ولاّت مستعمرة ديال بريطانيا، اللي كانت تاتخدّمها ف لحروب، بحال ف لحرب لعالمية التانية. ستاقلات لبلاد ف 1964 و بقات تابعة للملكة إيليزابيط التانية، ولكن ف 1974 ولاّت جمهورية. من نهار ستاقلات، دخلات مالطا للأمم لمتحدة و لكومنويلت، و ف 2004، دخلات ف لإتحاد لأوروپي.
تايسكنو ف مالطا كتر من نص مليون د الناس، و لعاصمة ديالها هي ڤاليطا. اللغات الرسمية د لبلاد هوما لمالطية و لينݣليزية، و لأغلبية د السكان تيهضرو حتا الطاليانية، اللي كانت لغة رسمية تال 1934. لفلوس اللي كاتخدّم هي لأورو، و الديانة الرسمية هي لمسيحية. لإقتصاد د لبلاد تيضور على السياحة، حيت لجزر د مالطا معروفين بلجو ديالهم و لبحورا و التاريخ لقديم.
السمية
لأصل ديال كلمة "مالطا" مامعروفش ب ليقين. كاينة فرضية بلي جات من ليونانية لبالية μέλι ميلي، لي كاتعني لعسل (نفس لكلمة جات منها نيت miel ب لفرانساوية). ليونانيين لقدام كانو كيسمّيو لڭزيرة Μελίτη ميليطي لي كاتعني "حلوّة بحال لعسل"، بسباب الشهرة ديالها ف لإنتاج ديالو. الرومان كانو كيسمّيوها Melita ميليطا و غالبا خداوها من ليونانية.
فرضية خرة كاتڭول بلي جات من لفينيقية ماليث لي كاتعني مرسى.
عيون لكلام
شوف تا
 | تقدر تزيد شوف بزاف د تّصاور و لمعلومات ديال Malta ف ويكيميديا كومنز. |
 هادي زريعة ديال مقالة خاصها تّوسع. تقدر تشارك ف لكتبة ديالها. |
This article uses material from the Wikipedia داريجة article مالطا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). المحتوى متاح وفق CC BY-SA 4.0 ما لم يرد خلاف ذلك. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki داريجة (DUHOCTRUNGQUOC.VN) is an independent company and has no affiliation with Wiki Foundation.