Wiki தமிழ்

கருங்கழுகு என்பது ஒரு வகைக் கழுகு இனப் பறவை ஆகும். எல்லா கழுகுகளையும் போலவே, இது பாறுக் குடும்பத்தில் உள்ளது, மேலும் இது இக்டினேட்டஸ் பேரினத்தின் ஒரே உறுப்பினர் ஆகும். இப்பறவை வெப்பமண்டல மற்றும் மிதவெப்ப மண்டல தெற்கு மற்றும் தென்கிழக்காசியா மற்றும் தென்கிழக்கு சீனாவின் மலைப்பாங்கான பகுதிகளின் காடுகளில் காணப்படுகிறது. இப்பறவையின் உடல் பார்க்க கறுப்பாகவும், அலகு மஞ்சளாகவும் இருக்கும். இவை எப்போதும் அடர்ந்த பசுமையான காடுகளிலேயே சார்ந்து வாழும். மேலும்...

மொடு சன்யூ என்பவர் சியோங்னு பேரரசைத் தோற்றுவித்தவர் ஆவார். இவரது தந்தை தோவுமன் ஆவார். சிமா சியானின் கூற்றுப்படி மொடு ஒரு அறிவாற்றல் மிகுந்த குழந்தையாக இருந்தார். இவர் கி. மு. 209ஆம் ஆண்டு தன் தந்தையைக் கொல்லுமாறுத் தன் ஆட்களுக்கு ஆணையிட்டு ஆட்சிக்கு வந்தார். மொடு கி. மு. 209 முதல் கி. மு. 174 வரை ஆட்சி செய்தார். இவர் இவரது தந்தை தோவுமனுக்குக் கீழ் ஒரு இராணுவத் தலைவராகப் பணியாற்றினார். பிறகு சியோங்னு பேரரசின் சன்யூவாக முடிசூட்டிக் கொண்டார். இவரது பேரரசு தற்போதைய மங்கோலியாவில் அமைந்திருந்தது.மேலும்...

மேலும் கட்டுரைகள்...

• பலாங்கொடை மனிதன் எனப்படுவது இக்காலத்துக்கு 34,000 ஆண்டுகளுக்கு முன்னர் முதலாவதாக இலங்கையிற் காணப்பட்ட உடற்கூற்றியல் அடிப்படையில் புது மனித இனத்தினன் ஆவான்.
• உலகின் முதன் முதலில் இருக்கை பட்டை (படம்) கட்டாயமாகப் பயன்படுத்துவதைப் பற்றிய சட்டம் ஆத்திரேலியா, விக்டோரியா மாநிலத்தில், 1970ல் துவக்கப்பட்டது.
• 1954 இல் வெளிவந்த அந்த நாள் பாடல்கள் இல்லாமல் வெளிவந்த முதல் தமிழ்த் திரைப்படம் ஆகும்.
• மோகிசம் அல்லது மோகியியல் சீனாவில் போர்க் காலத்தில் உருவாகிய ஒரு முக்கிய சமூக, சமய, மெய்யியல் இயக்கம் ஆகும்.
• கிறித்தவத்தை அதிகாரபூர்வ சமயமாக அறிவித்த (கிபி 4ம் நூற்றாண்டில்) உலகின் முதல் நாடு ஆர்மீனியா ஆகும்.

• தைவான், உவாலியன் நகருக்கருகில் 7.4-அளவு நிலநடுக்கம் தாக்கியதில் (படம்) குறைந்தது 13 பேர் உயிரிழந்தனர்.
• 2023 அகாதமி விருது நிகழ்வில், ஓப்பன்கைமர் சிறந்த திரைப்படம், சிறந்த இயக்குநர் உட்பட ஏழு விருதுகளைப் பெற்றது.
• உருசிய எதிர்க்கட்சித் தலைவர் அலெக்சேய் நவால்னி உருசியாவின் கார்ப் நகருக்கு அருகே உள்ள ஒரு சிறையில் தனது 47-ஆவது அகவையில் இறந்ததாகக் கூறப்படுகிறது.
• சொகூர் மாநில சுல்தான் இப்ராகிம் இசுகந்தர் மலேசியாவின் 17-ஆவது பேரரசராகப் பதவியேற்றார்.

ஏப்பிரல் 15: உலகக் கலை நாள்

• 1450 – நூறாண்டுப் போர்: பிரான்சின் போர்மிக்னி என்ற இடத்தில் ஆங்கிலேயரின் படைகளை பிரெஞ்சுப் படைகள் தோற்கடித்ததன் மூலம் வடக்கு பிரான்சில் ஆங்கிலேயரின் அதிகாரம் முடிவுக்கு வந்தது.
• 1815 – சல்லி என்றழைக்கப்பட்ட டச்சு செப்பு நாணயம் யாழ்ப்பாணத்தில் அறிமுகமானது. இது 12 பணத்திற்கு இணையானது.
• 1861 – அமெரிக்க உள்நாட்டுப் போர்: அமெரிக்காவில் கிளர்ச்சியைத் தடுப்பதற்காக 75,000 தன்னார்வலர்களைத் திரட்டுமாறு அரசுத்தலைவர் ஆபிரகாம் லிங்கன் கேட்டுக் கொண்டார்.
• 1865 – முதல் நாள் சுடப்பட்ட அமெரிக்க அரசுத்தலைவர் ஆபிரகாம் லிங்கன் இறந்தார்.
• 1912 – இரண்டு மணி 40 நிமிடங்களுக்கு முன்னர் பனிமலை ஒன்றுடன் மோதிய பிரித்தானியாவின் டைட்டானிக் (படம்) பயணிகள் கப்பல் வட அத்திலாந்திக் பெருங்கடலில் மூழ்கியதில் மொத்தம் 2,227 பேரில் 710 பேர் மட்டுமே உயிர் பிழைத்தனர்.
• 1923 – இன்சுலின் முதன் முதலாக நீரிழிவு நோய்க்கு மருந்தாகப் பாவிக்கப்பட்டது.
• 1989 – சீனாவில் தியனன்மென் சதுக்கப் போராட்டங்கள் ஆரம்பமானது.

சா. கிருஷ்ணசுவாமி (பி. 1871) · குன்றக்குடி அடிகள் (இ. 1995) · நாவண்ணன் (இ. 2006)
அண்மைய நாட்கள்: ஏப்பிரல் 14 – ஏப்பிரல் 16 – ஏப்பிரல் 17