Օգոստոս: հուլյան և գրիգորյան օրացույցներում ութերորդ ամիսը

Անվան այլ կիրառումների համար տե՛ս՝ Օգոստոս (այլ կիրառումներ)

Մեր թվարկությունից 56 տարի առաջ Հուլիոս Կեսարի հրամանով կատարված օրացույցի բարեփոխումից հետո փետրվարը դարձավ երկրորդ ամիսը և ուներ 29 օր։ Հետագայում ամիսներից մեկը ի պատիվ Հուլիոս Կեսարի կոչվեց Հուլիս, իսկ դրան հաջորդող օգոստոս ամիսն էլ՝ հռոմեական Օկտավիանոս կայսեր պատվին, որը հետագայում ստացավ «օգոստոս» տիտղոսը (նշանակում է՝ վսեմաշուք)։

Բայց օգոստոսն ուներ միայն 30 օր, իսկ հուլիսը՝ 31։ Մի բան, որ ընդգծում է Կեսարի գերազանցությունը Օգոստոս կայսեր նկատմամբ։ Որոշվեց մեկ օր վերցնել փետրվարից և ավելացնել օգոստոս ամսվա օրերի թվին։

Պատմական Հայաստանում օգոստոսը եղել է տարվա առաջին ամիսը և կոչվել է նավասարդ։

Օգոստոս ամսին ծնվածների կենդանաշրջանի նշաններն են՝

• Առյուծը՝ մինչև ամսի 23-ը ծնվածների համար;
• Կույսը՝ ամսի 23-ից հետո ծնվածների համար։

• Օգոստոսի 13 - ձախլիկների համաշխարհային օր։
• Օգոստոսի 14 - Պակիստանի անկախության օր։
• Օգոստոսի 15 - Հնդկաստանի անկախության օր։
• Օգոստոսի 23 - ՀԽՍՀ գերագույն խորհուրդը ընդունում է հռչակագիր անկախ պետականության հաստատման գործընթաց սկսելու մասին։
• Օգոստոսի 24 - Ուկրաինայի անկախության օր։

Եվրոպական լեզուներում օգոստոս անունը հիմնականում համապատասխանում է լատինական ավանդույթին։ Սակայն, կան նաև բացառություններ. այսպես՝ ֆիններեն ասում են elokuu՝ «հացի ամիս», արևելասլավոնական լեզուներում անունը կապված է՝ «մանգաղ» նշանակող բառի հետ. ուկրաիներեն՝ серпень, լեհերեն՝ sierpień, չեխերեն՝ srpen։

Բելառուսերեն կոչվում է «жнівень», կապված է «жніво»-բերք բառի հետ։