Pablo Pikasso
Pablo Ruis Pikasso (tolu adı - Pablo Diyego Hose Fransisko de Paula Huan Nepomuseno Mariya de los Remedios Sipriano de la Santisima Trinidad Klito Ruis i Pikasso, ispanca Pablo Diego José Francisco de Paula Juan Nepomuceno María de los Remedios Cipriano de la Santísima Trinidad Clito Ruiz y Picasso; 1881 oktâbr 25, Malaga, İspaniya — 1973 aprel 8, Mujen, Frenkistan) — ispan ve frenk ressamıdır, esasen Frenkistanda yarata edi, XX asırnıñ eñ körümli ressamlarından biri.
| Pablo Pikasso | |
|---|---|
| ispanca Pablo Picasso | |
 | |
| Doğma adı | ispanca Pablo Diego José Francisco de Paula Juan Nepomuceno María de los Remedios Cipriano de la Santísima Trinidad Ruiz y Picasso |
| Doğğan künü | 1881 oktâbr 25[…] |
| Doğğan yeri | |
| Ölgen künü | 1973 aprel 8[…] (91 yaşında) |
| Ölgen yeri | |
| Memleketi | |
| Zenaatı | ressam, eykeltraş, grafika dizayneri, gravüracı ressam, horeograf, keramikacı, plakatçı ressam, illüstrator, fotograf, urba dizayneri, dizayner, bezek dizayneri, grafikacı ressam, sızmacı, muralist, assemblage artist, collagist, sana ressamı, ressam, stsenarist |
| Baba | José Ruiz y Blanco[d] |
| Ana | Maria Picasso y Lopez[d] |
| Ömür arqadaşı | Olha Khokhlova[d] ve Jacqueline Roque[d] |
| Balalar | Paulo Picasso[d], Maya Widmaier-Picasso[d], Claude Picasso[d] ve Paloma Ruiz Picasso[d] |
| Mukâfatlar |  |
| Avtograf |  |
 Медиафайлы на Викискладе | |
Yaratıcılığınıñ «mavı» (1901-1904) ve «pempe» (1905-1906) devirlerinde Pablo Pikasso kergin ve manalı eselerni yarattı («Topuzdaki qız», 1905).
1907 senesi kubizm üslübiniñ temelini qoydı, 1910 senelerniñ ortasında neoklassitsizm üslübinde yarata edi, 1920 senelerniñ başından başlap sürrealizmniñ lideri oldı.
1925, Pikassonıñ yaratıcılığında radikal deñişmeleriniñ senesidir. Ressam, şekli bozulğan vucutlarnı, quturıp yayğara qoparğan ve konvulsiyalı pozalarda turğan insanlarnı tasvir eterek (Mujer en un sillón, 1926; Bañista sentada, 1930) tecavuziy, aman-aman qaba resimler yaratmağa başladı. 1930 senelerde madenden eykellerni, kitaplar içün resimlerni yarata edi, abideviy ressamlıqnı yapa edi («Gernika», 1937, bir adlı şeerniñ grajdanlıq bölgeleri bombardıman etilgen soñ yaratıldı).
Ayatınıñ soñuna qadar eserlerni yaratmağa devam ete edi. Pablo Pikasso, XX asırnıñ eñ körümli ressamlarından biridir - onıñ eseleri, üslübine köre yañı ve yekâne olaraq, sanat inkişafınıñ esnasına ve zemaneviy insanlıqnıñ medeniyetine tesir etti.
Pablo Pikasso, XX asırnıñ daiy ressamı, 1973 senesi aperlniñ 8-inde Mujen şeerinde miokard infarktı sebebinden vefat etti. Pikasso, Vovenarg adlı öz isarı yanında kömüldi.
Ekspertler, Pikassonı dünyanıñ «eñ paalı» ressamlarından biri olaraq adlandıralar - 4 mayıs 2010 s. Christie's mezatında ressamnıñ «Büst ve yeşil yapraqlar arqa planındaki mücerret» resmi 106.482 million dollarğa satıldı ve bu, rekord, dünyada satılğan eñ paalı sanat şah eseri oldı.
Menbalar
This article uses material from the Wikipedia Qırımtatarca article Pablo Pikasso, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.