Cafer Ğafar
Cafer Abdul oğlu Ğafar (1898-1938) - belli qırımtatar şair ve yazıcısı.
Edebiy taqma adları Abuçuburcı, Derviş.
| Cafer Ğafar | |
|---|---|
| Doğğan künü | 1898 |
| Doğğan yeri | |
| Ölgen künü | 1938 aprel 17 |
| Ölgen yeri | |
| Memleketi | |
| Zenaatı | yazıcı, jurnalist, şair |
Cafer Ğafar, 1898 senesinde Aqmescit cıvarında Tav Dayır köyünde doğdı. İlk mektepten soñ Tav Dayır medresesinde oqudı. Medreseni bitirgen soñ 1920 senesine qadar köylerde muallimlik etti.
Edebiyatqa 1921 senesinde yazğanı “Duyğularım” adlı şiirinen kirdi. Bu vaqıtlarda bir taqım mecmualarda çalıştı. Daa soñra Yañı Dünya gazetasına müellif olıp tayin oldı. Adiy halqnıñ tilini aruv etip menimsegen Cafer Ğafar “İnqilâbiy şiirler” (1933), “Ömürden örnekler” (1927), “İkâyeler ve şairler” (1933) kitaplarını neşir ettirdi. 1934 senesinde Qırım yazıcılar cemiyetine aza olıp saylandı. Lâkin bir qaç ay soñ vazifeden alındı. Onıñ eñ müim ikâyelerinden olğan “Yolculıqta” ve müelliflik yapqan vaqıtta neşregeni Edebiyat derslerinen namlanğan soñra taqip ve tenqit etilmege başlandı. Kitaplarnıñ toplatılması istendi. Eñ soñunda burjua milliyetçisi ilân etilip, 1938 senesi zulumdan qurtulamağan Cafer Ğafarnıñ mezarı bile belli degil.
This article uses material from the Wikipedia Qırımtatarca article Cafer Ğafar, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.