Alime Abdennanova
Alime Abdennanova (1924 - 1944) - II Cian cenki qaramanı, belli razvedkacı, gizli teşkilât yolbaşçısı, qırımtatar halqınıñ fedakâr qızıdır.
| Alime Abdennanova | |
|---|---|
 | |
| Doğğan künü | 1924 yanvar 4 |
| Doğğan yeri | |
| Ölgen künü | 1944 aprel 5 (20 yaşında) |
| Ölgen yeri | |
| Memleketi | |
| Zenaatı | askeriy hadim |
| Mukâfatlar |   |
 Медиафайлы на Викискладе | |
Alime Abdennanova 1924 senesi Keriç şeerinde işçi qorantasında doğdı, Qamış Burunda Maksim Gorkiy adına orta mektepte oqudı. Mektepni bitirgen yılı cenk başlandı. Nemse natsistlerine qarşı gizli küreş alıp baruv içün Krasnodar ülkesinde razvedkacılar mektebinde mahsus azırlıq keçti.
1943 senesi Alime Abdennanova, Qırımğa yollanıldı. Cermay Qaşıq köyünde işançlı adamlardan gizli teşkilât tizdi. Olar Keriç yarımadasında nemse askerleriniñ areketleri aqqında zarur malümatlarnı devamlı vaqıt cebe komandanlığına yollap turdılar.
1944 senesi Alime ve onıñ cenkâver dostları gestaponıñ qoluna tüştiler ve elâk oldılar. Alime Abdennanova 1944 senesi aprel 5 künü Aqmescit civarında vahşiycesine öldürildi.
2014 senesinde Alime Rusiye Qaramanı oldı.
Menbalar
This article uses material from the Wikipedia Qırımtatarca article Alime Abdennanova, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Başqası bildirilmese, malümat CC BY-SA 4.0 litsenziyasınen berile. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Qırımtatarca (DUHOCTRUNGQUOC.VN) is an independent company and has no affiliation with Wiki Foundation.