L’Unione Internaziunale Astronomica hè una assemblea d’astronomi prufessionali, attivi in la ricerca è l’insegnamentu di l’astronomia.
A sede si trova in Parigi. L’UIA tene una autorità internaziunale pè classificà i corpi celesti (stelle, planete, asteroidi, ecc...). Hè membra di u Cunsigliu Internaziunale pè e Scienze (ICSU). U scopu principale di l’UIA hè di prumove è pruteghje l’astronomia attraversu a cooperazione internaziunale (incù i dilettanti dinò). I gruppi di travaghju includenu u Working Group for Planetary System Nomenclature (WGPSN) chi mantene e cunvenzioni astronomiche di numinazione di i corpi celesti.
L’UIA fù fundata in 1919. U primu présidente fù Benjamin Baillaud. Ci sò stati tanti prublemi attraversu u seculu, sopratuttu incù l’ufficiali sovietici ò a ghjunta militare greca.
L’UIA tene 10145 membri individuali chi sò tutti prufessionali. Ci sò dinò 64 membri naziunali chi rappresentanu i paesi affiliati à l’UIA. 87% di i membri sò masci. U corpu suvranu di l’UIA hè a sò assemblea générale, chi include tutti i membri. L’assemblea sceglie a pulitica di l’UIA è eleghje diversi cumitati.
Dipoi 1922, l’assemblea générale di l’UIA si tene cadi trè anni, à l’eccezione di u periodu di a Seconda Guerra Mundiale. Dopu à una dumanda polenesa in 1967, è una decisione assai cuntroversata di u présidente, una assemblea générale straurdinaria fù tenuta in febbraiu 1973 in Varsovia (Pologna) pè cummemurà 500u anniversariu di a nascita di Copernic.
A 26a assemblea générale di l’UIA si hè tenuta da u 14 à u 25 d’aostu 2006 in Praga (Repubblica Cèca). Una nova definizione di u tarmine planeta fù aduttata, definizione chi ha cambiatu a classificazione di Plutò chi hè diventata « planeta nanna » (cum’è Seres, Sciaron è Eris). Benchè sia stata vutata, sta decisione ha pruvucatu una cuntestazione assai forte in la cumunità scientifica astronoma. Una decisione finale hè stata pigliata in ghjungnu 2008, accitendu a parola « plutoidu » è a sò definizione ufficiale : Sò plutoidi i corpi celesti in orbitu à l’intornu di u Sole, à un assu semimaiò più grande cà quellu di Nettunu, è chi hannu una massa sufficente (...) pè mantene una forma in equilibriu idrostaticu (guasgi sferica).
This article uses material from the Wikipedia Corsu article Unione Internaziunale Astronomica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Corsu (DUHOCTRUNGQUOC.VN) is an independent company and has no affiliation with Wiki Foundation.