L' Isulottu di Gargalu hè un isulottu di Corsica.
Hè situatu in a Riserva di Scandula. Hè u più locu à punente di a riserva, ma dinù di a Corsica. In cima di l'isulottu, ci hè una torra ghjenuvese antica: a Torra di Gargalu. Hè stata custruita in u 1610, sottu a dirizzione di Anton' Ghjuvanni di Sarrula.
U culore russiciu di l'isulottu vene da a prisenza di a riolita, mischiata incù l'ignimbrita.
Si stima ch ì a superficia di l'isulottu hè circa 17 ettari. L'altezza massima di l'isulottu hè 127 metri. Difatti, l'isulottu di Gargalu hè u più isulottu altu di Corsica.
L'isulottu di Gargalu hè statu da sempre un periculu per a navigazione. Di fatti, ci hè un passaghju strettu chì sipara l'isultottu da a Punta di palazzu, incù una prufundezza chì in certi lochi ùn hè ch'è di dui metri.
In generale, ci hè poca flora annantu à l'isulotti situati annantu à a costa uccidentale di a Corsica, chì sò à spessu esposti à u ventu è à e timpeste, è male abritati da u punente è da u libecciu. 'Ssa situazione incauseghja una mancanza di piante è di fiori. Ma l'isulottu di Gargalu, per via di a so altezza abbastanza impurtante, hè menu espostu è abritatu megliu. Per via di quessa, ci hè una flora più abbundente ch'è in altrò.
Frà e spezie di fauna prisente annantu à l'isulottu, si pò mintuvà : u topu cumunu (rattus rattus), l'acertulone (archaeolacerta bedriagae).
This article uses material from the Wikipedia Corsu article Isulottu di Gargalu, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Corsu (DUHOCTRUNGQUOC.VN) is an independent company and has no affiliation with Wiki Foundation.