A discriminazione linguistica hè u trattamentu inghjustu di un individuu basendu si solu annantu à l'usu di a so lingua.
'Ssu usu di u linguaghju pò inchjude a lingua materna di l'individuu o altre caratteristiche di u discorsu di a persona, cum'è un accentu, a taglia di u vucabulariu, a mudalità è a sintassi. Quessa pò dinù implicà a capacità o l'incapacità di una persona à imprudà una lingua inveci di un'antra. Per indettu, quellu chì parla occitanu in Francia pò esse trattatu differentemente di quellu chì parla francese. Basatu annantu à una differenza in l'utilisazione di a lingua, una persona pò automaticamente furmà i ghjudicamenti annantu à a ricchezza di un'antra persona, l'educazione, u statutu suciale, u caratteru o altri tratti. 'Ssi ghjudicamenti percipiti ponu tandu cunduce à u trattamentu sfavurevule di un individuu riguardu à l'altri.
Benchì, teuricamente, ogni persona possi esse vittima di discriminazione linguistica indipendemente di u so statutu suciale è etnicu, e minuranze suciale oppressi è marginalizati sò à spessu i so bersaghji e più cumuni, per via di u fattu chì e varietà di discorsi chì sò assuciati incù tali gruppi sò à spessu stimmatizati.
This article uses material from the Wikipedia Corsu article Discriminazione linguistica, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Corsu (DUHOCTRUNGQUOC.VN) is an independent company and has no affiliation with Wiki Foundation.