Corsipedia
Corsipedia hè un nome micca ufficiale pè a versione di a Wikipedia in lingua corsa (nome ufficiale).
Ella hè chjamata cowiki dinò. Hè stata criata u 9 di decembre 2003. Cum'è tutte l'altre Wikipedie in tutte l'altre lingue si tratta d'un'enciclopedìa lìbera è gratisi. Ognunu chi vole, pò participà è cuntribuì cun u so sapè. U nome Corsipedia hè inspiratu da a Galipedia, a versione di Wikipedia in lingua galiziana.
U prupòsitu particulare d'issu prugettu hè di prumove a lingua corsa è di fà cunnosce l'ìsula di Còrsica nantu à internet è in u mondu.
Sinu à oghje, a Wikipedia in lingua corsa tene 8 100 artìculi. U nùmeru d'utilizatori registrati attuale hè di 22 850. Ma hè moltu diffìciule d'indicà u nùmeru d'utilizatori (o participanti) chi ponu cuntribuì cum'è autori d'artìculi rispettivamente chi pàrlanu corsu daveru, perchì assai chi cuntribuìscenu cum'è autori ùn sò micca registrati o ùn indichèghjanu micca e so cunniscenze di corsu nant'à e so pàgine d'utilizatore. Attualmente (29 di ghjennaghju 2024) ci sò 36 utilizatori chi indichèghjanu ch'elli ponu cuntribuì in lingua corsa, di i quali 18 incun un nivellu elementare, 11 cù nivellu mezu è 3 cù nivellu avanzatu; 4 antri participanti indichèghjanu ch'elli hanu u corsu cum'è lingua materna. (Trè d'issi trentasei participanti corsòfoni hanu dinù qualchì cunniscenza di u sassarese è unu di u gallurese, e dette varietà corsosarde.)
U nùmeru di i participanti attivi hè di 26, chi vole dì che tante persone hanu cullaburatu 'ssi ùltimi trenta jorni.
- Classamentu
Siente u nùmeru d'artìculi, a Corsipedia appartene à e 180 più grande Wikipedie, d'un tutale di 326. Attualmente (29 ghjennaghju 2024), hè a 178ima più grande Wiki Corsu. Ma questa ùn hè micca un indicatore pè a qualità.
Siente u classamentu pè selezzione d'artìculi, a Corsipedia appartene à e 170 più grande Wikipedie, d'un tutale di 316. Attualmente (ghjugnu 2023), hè a 162ima più grande Wiki Corsu. È questa hè ancu un indicatore pè a qualità.
Esiste puru un prugettu surella in a varietà sassaresa chi si chjama Vichipedìa - L'enzicropedìa lìbbara in linga sassaresa, ma chi hè torna un prugettu di prova.
Note
Artìculi cunnessi
Ligami
This article uses material from the Wikipedia Corsu article Corsipedia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Corsu (DUHOCTRUNGQUOC.VN) is an independent company and has no affiliation with Wiki Foundation.