Burra Cascistretta

A burra cascistretta hè una pianta acquatica vivace appartinendu à a famiglia di e Typhaceae. Si distingue da e so longhe casce strette è e so infiuriscenze caratteristiche à forma di mazza.

'Ssa spezia hè largamente sparta à traversu u mondu, truvendu si in e rigione timperate è subtrupicale di l'emisferu nordu. Omu a ritrova in particulare in Europa, in Asia, in Africa suprana è in America suprana.

A burra cascistretta hè schersa in Corsica. Difatti, esistenu in Corsica parechje spezie di burra:

• Typha angustifoglia (a burra cascistretta): schersa
• Typha domingensis: cumuna
• Typha latifolia: a burra cascilarga: cumuna
• Typha laxmanii: rarissima

A burra cascistretta hè una pianta acquatica chì cresce per u più in e zone umite, tale i paduli, i stagni è e sponde di i corsi d'acqua. Hè adattata à cundizione di terre umiti è tullereghja ancu un'immirsione parziale in acqua.

'Ssa pianta si riproduce per u più in via vegetativa, grazia à i so rizomi suttarranii chì producenu nove buttature. Pò ancu riproduce si per via di i granelli, chì sò spergugliati da u ventu o l'acqua.

Typha angustifolia hè u nome scentificu accittatu per 'ssa spezia. Parechji sinonimi di Typha angustifolia sò:

• Typha bracteata Greene
• Typha elatior Boenn.
• Typha minor Curtis
• Massula angustifolia Dulac

Benchì a burra cascistretta sii una spezia cumuna è largamente sparta, certe pupulazione ponu esse minacciate per causa di a distruzzione di u so ambiente naturale. E zone umite sò à spessu assiccate o sgradate per l'agricultura o u sviluppu urbanu, ciò chì pò caghjunà una diminuzione di e pupulazione di 'ssa pianta.

• Gamisans, J. & Jeanmonod, J. (1993) Catalogu di e piante vascularie di Corsica - Catalogue des plantes vasculaires de la Corse, Cunservatoriu è giardinu botanicu di a cità di Geneva: Geneva (in francese)
• Jeanmonod D. & Gamisans J. (2013) Flora Corsica (2 ed), Edisud.

• a burra
• a burra cascilarga

•   Typha angustifolia annantu à Wiki Commons.