L'8 di ghjennaghju hè l'8u ghjornu di l'annu in u calendariu gregurianu.
Ghjennaghju | ||||||
1 | 2 | 3 | 4 | 5 | 6 | 7 |
8 | 9 | 10 | 11 | 12 | 13 | 14 |
15 | 16 | 17 | 18 | 19 | 20 | 21 |
22 | 23 | 24 | 25 | 26 | 27 | 28 |
29 | 30 | 31 |
Restanu 357 ghjorni à a fine di l'annu (358 sì hè bisestile).
Santu Lucianu. Santu Severinu.
Lucianu serebbi statu un prete rumanu mandatu per evangelizà a Gallia. Hè statu marturiatu, versu l'annu 300, accantu à Bellovacum, l'attuale cità di Beauvais, dipartimentu di l'Oise.
Etimolugia: da u lat. "lux" (luce).
Casate: Luciani, Lucciani. In u 1981, in Corsica, a casata Luciani venia à u terzu rangu, dopu à Casanova è Albertini. 17% di i Luciani eranu in Niolu-Omessa, 9% in Aiacciu, 8% in Bastia è 7% in Corti.
Paesi è cità: Beauvais (tras. 1u maghju)
Nomi: V. Lucca (18 uttobre).
Severinu di i Norici hè mortu in l'annu 482.
Issu famosu apostulu austriaccu, ùn si sà da duv'ellu surtia. Affaccò un ghjornu in a cità d'Astura annunziendu chì i Barbari ghjunghjianu. U si ghjuconu à a risa. Qualchì settimana dopu, a cità era distrutta.
Certi storichi pretendenu chì Severinu era l'amicu secretu d'Odoacru, u rè d'Italia chì, in l'annu 476, scacciò l'ultimu imperatore rumanu d'occidente.
Durante trenta anni, Severinu predicò u Vangellu longu à l'Altu Danubiu, da Vienna à Passau. Cunvertia i paisani, ma dinù i barbari ghjunghjiticci. Facia chjese è munasteri. U volsenu fà vescu, ma ricusò dicendu ch'elli si cuntentinu ch'ellu abbii abandunatu a so vita di rimitu per dalli succorsu... Forse dinù chì ùn era mai statu prete.
Etimolugia: da u lat. "severus" (severu, fermu).
Casate: Severi, Severoni, Sevieri.
Nomi: Frein, Freng, Frin, Frin, Frings, Saverina,Saverinu, Seva, Sevariane, Seve, Sévéra, Sévère, Severianka, Severiano, Sévérien, Sévérienne, Severijn, Séverin, Severina, Séverine, Severinu, Severinus, Sevir, Sören, Sövrin, Vira.
Paesi è cità: Austria, Baviera, Vienna, San Severino.[1]
This article uses material from the Wikipedia Corsu article 8 di ghjennaghju, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il contenuto è disponibile in base alla licenza CC BY-SA 4.0, se non diversamente specificato. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Corsu (DUHOCTRUNGQUOC.VN) is an independent company and has no affiliation with Wiki Foundation.