24 Di Marzu

Restanu 282 ghjorni à a fine di l'annu.

In Corsica

- 1949 - Ruud Krol, calciadore è allenatore ulandese.

•  
  Jules Verne (8 di ferraghju 1828-24 di marzu 1905)

Santi

Santa Catalina di Svezia.

Catalina hè nata versu l'annu 1331, figliola di Santa Brigida chì a chjamava Carina. Subitu spuppata, l'anu messa in una abbazia è a ci anu lasciata sinu à quandu l'anu trovu un maritu, un omu assai devotu.

A mamma, prestu veduva, si ne era andata in Roma è ci si era stabilita definitivamente.

Catalina dinù fù prestu veduva. Avia 19 anni è avia raghjuntu a mamma in Roma pè u Ghjubileu di u 1350 quand'ellu morse u maritu. Allora si n'hè stata in Roma cù a mamma è anu campatu vintitrè anni inseme.

In Roma, numerosi eranu l'omi chì averebbinu vulsutu spusalla. Duie volte anu ancu pruvatu à rapilla. A prima volta, quand'ella andava à a chjesa di San Bastianu. Trà ella è u giuvanottu chì a seguitava, apparse un cervu, è u giovanu, chì ghjera un gran passiunatu di caccia, rinunciò à Catalina per corre daretu à u cervu. A seconda volta, andava à a chjesa di San Lurenzu. L'omu chì a vulia rapì ebbe un velu appiccicatu nantu à a faccia è, per paura di sbagliassi, chì accantu à Catalina ci era una vechja, scappò.

In u 1372, Catalina è a mamma andetenu in pelegrinaggiu in Terra santa. A' u ritornu, Brigida morse. Catalina accumpagnò a salma in Svezia.

Dopu à un novu seghjornu in Roma per sullicità a canunizazione di a mamma, Catalina vultò à u paese nativu. Fù abbatessa di Valdstena, un munasteru di sore di San Salvadore, cungregazione creata da Santa Brigida.

Catalina avia tandu 48 anni. Hè morta l'annu dopu, u 24 marzu 1381.

Etimolugia è nomi: V. Catalina di Siena (29 aprile).

Prutezzione: i sconci.[1]

• Almanaccu Adecec 2007 Archiviu 2007-02-12 at the Wayback Machine