«من لە باخچەی ئاژەڵان» (بە ئینگلیزی: Me at the zoo) یەکەم ڤیدیۆیە کە لە یووتیووب بڵاوکرابێتەوە، لە ٢٣ی نیسانی ٢٠٠٥، ٨:٣١:٥٢ د.ن.
بەکاتی ناوچەی کاتیی پاسیفیک، کە ٢٤ی نیسانی ٢٠٠٥ ٣:٣١:٥٢ پ.ن. دەکات بە کاتی گەردوونیی ھاوھەنگاو. ڤیدیۆکە لەلایەن جاوید کەریمی دامەزرێنەری یاریدەدەری وێبگەکەوە بڵاوکراوەتەوە، لە کەناڵێک بەناوی «jawed»ەوە، کە لە ھەمان ڕۆژدا دروست کراوە. تۆمارکراو لەلایەن یاکۆڤ لاپیتسکی ھاوڕێی دواناوەندی جاوید لە باخچەی ئاژەڵانی سان دیێگۆ بە کامێراکەی جاوید، لە ڤیدیۆکەدا جاوید دەردەکەوێت لەپێش چەند فیلێکدا، و سەرنجێک لەسەر لمۆزە درێژەکانیان دەدات. لاپیتسکی، کە قوتابییەکی دکتۆرای فەلسەفەی زانکۆی دێڵاوێر بوو لەو کاتەدا، لە سان دیێگۆ بوو بۆ گەیاندنی لێکۆڵینەوەکەی بۆ کۆمەڵگای کیمیای ئەمریکا.
من لە باخچەی ئاژەڵان | |
---|---|
بەرھەمھێنەر | جاوید کەریم |
ئەکتەران | جاوید کەریم |
وێنەگری سینەمایی | یاکۆڤ لاپیتسکی |
دەرچوون | ٢٣ی نیسانی ٢٠٠٥، ٨:٣١:٥٢ د.ن. (ناوچەی کاتیی پاسیفیک)؛ ١٨ ساڵ لەمەوبەر |
ماوەی فیلم | 0:19 |
وڵات | ویلایەتە یەکگرتووەکان |
زمان | ئینگلیزی |
ڕوونووسی ڤیدیۆکە بەم شێوەیەیە:
باشە، وا لێرەین لەپێش، ئێ، فیلەکاندا، ئم، و شتە سەرنجڕاکێشەکەی دەربارەی ئەمان ئەوەیە کە، ئەوەیە کە لمۆزێکی زۆر، زۆر، زۆر، ئم، درێژیان ھەیە، و ئەوە، ئەوە سەرنجڕاکێشە، و ئەوە ھەموو شتێکە کە بتوانم بیڵێم.
لۆس ئانجلەس تایمز لە ٢٠٠٩دا ڤیدیۆکەی بەم شێوەیە مەزندە کردووە: «وەک یەکەمین ڤیدیۆ کە لە یووتیووب بڵاوکرابێتەوە، ڕۆڵێکی سەرەکی بینیوە لە گۆڕانی شێوەی بەکارھێنانی ڕەنگاڵە لەلایەن خەڵکییەوە و بووەتە ڕێنیشاندەرێکی ڤیدیۆی ٦٠ چرکەییی سەردەمی ئاڵتوونی». دە ئۆبزێرڤەر کوالیتی بەرھەمھێنانەکەی بە خراپ باسکردووە. دیجیتاڵ ترێندز بە ڤیدیۆیەکی «ھیچکە» و «گالتەجاڕانە» باسی کردووە کە «پێشبینییەکە بۆ داھاتووی یووتیووب».
ڤیدیۆکە زیاتر لە ١٧٠ ملیۆن بینەری ھەبووە لە یووتیووب ھەتا ڕێکەوتی تەممووزی ٢٠٢١[نوێکردنەوە].
ناوی کەناڵ | بینینەکان | ڵایکەکان | بەدڵنەبووەکان | تێبینییەکان |
---|---|---|---|---|
jawed | ١٥٨٬٠٠٠٬٠٠٠ | ٧٬٣٠٠٬٠٠٠ | ١٧٩٬٠٠٠ | ١١٬١٧٨٬٩٣٧ |
کۆمنزی ویکیمیدیا، میدیای پەیوەندیدار بە من لە باخچەی ئاژەڵان تێدایە. |
This article uses material from the Wikipedia Soranî / کوردی article من لە باخچەی ئاژەڵان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.