سادق ھیدایەت: نووسەر و وەرگێری ئێرانی هاوچەڕخ
سادق ھیدایەت (١٧ی شوبات ١٩٠٣ لە تاران – ٩ی نیسانی ١٩٥١ لە پاریس) نووسەر، وەرگێڕ و ڕووناکبیری ئێرانی بوو.
سادق ھیدایەت | |
|---|---|
 | |
| لەدایکبوون | ١٧ی شوباتی ١٩٠٣ |
| مەرگ | ٩ی نیسانی ١٩٥١ |
| ھۆکاری مەرگ | خۆکوژی بە گاز |
| شوێنی گۆڕ | گۆڕستانی پێر لاشێز، پاریس، فەڕەنسا |
| نیشتەجێی | ئێران، ھیندستان، فەڕەنسا |
| نەتەوە | ئێرانی |
| پیشە | نووسەر، وەرگێڕ |
| چالاکبوون | ١٣٢٩–١٣٠٢ی ک. ھ |
| وێبگە | http://sadegh-khan-hedayat.com/ |
ژیان
ھیدایەت لە پێشڕەوانی چیرۆکنووسیی نوێی ئێران و ڕووناکبیر ھەڵکەوتوو بوو. زۆرێک لە لێکۆڵەران ڕۆمانی «بوف کور» (بە کوردی: کووندەپەپووی کوێر)ـی بە بەناوبانگترین و دەرکەوتووترین بەرھەمی وێژەی چیرۆکی ھاوچەرخی ئێران دەزانن. ھەرچەند ناوبانگی ھیدایەت نووسەرییە، بەڵام چەند بەرھەمێک لە نووسەرانی گەورەی وەکوو ژان پۆل سارتەر، فرانتس کافکا و ئانتۆن چێخۆڤیش وەرگێڕاوە. ڕێژەی بەرھەمەکانی کە سەبارەت بە نووسراوەکان و ھەروەھا شێوەی ژیان و خۆکوشتنی سادق ھیدایەتن ئەوە دەردەخەن کە بزاڤی ڕووناکبیریی ئێران زۆر لەسەری کاریگەر بووە.
بەرهەم
٭ بوف کور (بە کوردی: کوندە پەپووی کوێر- ڕۆمان)
٭ زندە بە گور (بە کوردی: زیندەبەگۆڕ- کۆچیرۆک)
٭ رباعیات خیام (بە کوردی: چوارینەکانی خەییام- لێکۆڵینەوە)
٭ سگ ولگرد (بە کوردی: سەی بەرەڵا- کۆچیرۆک)
٭ سە قطره خون (بە کوردی: سێ پشکە خوێن- کۆچیرۆک)
٭ سایە روشن (بە کوردی: تاریک و ڕوون- کۆچیرۆک)
٭ فوائد گیاهخواری (بە کوردی: سوودەکانی گیاخۆری- زانستی)
٭ حاجی آقا (به کوردی: حاجیاغا- ڕۆمان)
٭ علویە خانم (بە کوردی: خاتوو عەلەویە- چیرۆک)
کۆچی دوایی
سادق ھیدایەت لە ٩ی نیسانی ١٩٥١ لە پاریس بە بەردانی گازی ژوورەکەی خۆی کوشت. گۆڕەکەی لە گۆڕستانی پێر لاشێز لە پاریسە.
سەرچاوەکان
| کۆمنزی ویکیمیدیا، میدیای پەیوەندیدار بە سادق ھیدایەت تێدایە. |
This article uses material from the Wikipedia Soranî / کوردی article سادق ھیدایەت, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.