فیلمی ١٩٩٩ تەڕەزان: فیلمێکی ئەمریکی

فیلمەکە لەسەر بنەمای چیرۆکی "تەڕەزانی مەیموونەکان" وەرگیراوە. فیلمەکە لەلایەن کریس بەک و کێڤن لیما دەرھێنراوە، ئەمەش یەکەم کاری دەرھێنان بووە بۆ کریس. ھەریەکە لە تۆنی گۆڵدین، مینی درایڤە، گلێن کلۆس، ڕۆسی دۆنێل، برایەن بلاس، وەین نایەت، نیگڵ وەک ئەکتەری دەنگی بەشداربوون.

تەڕەزان فیلمی (١٩٩٩)
دەرھێنەر	کریس بەک کێڤن لیما
بەرھەمھێنەر	بۆنی ئارنۆڵد
مۆسیقا	ماڕک مانکینا
دەستکاری	گریجۆرلی پێلنەر
کۆمپانیای بڵاوکەرەوە	وێنەکانی واڵت دیزنی
ڕێکەوتی دەرچوون	١٢ی حوزەیرانی ١٩٩٩
ماوەی فیلم	٨٨ خولەک
وڵات	ئەمریکا
زمان	ئینگلیزی
تێچوون	١٣٠ ملیۆن دۆلار
داھات	٤٤٨ ملیۆن دۆلار

تەڕەزان کورێکی ساوا بوو، لەناو قوخێک دابوو، دایک و باوکی بەدەستی پڵێنگێک بەناوی سابۆر مردن، بەڵام کوڕە ساواکە لەناو قوخەکە بەجێ مابوو، ھەتا ڕۆژێک گۆرێلایەکی مێ بەناوی (کالا) ڕێی کەوتە کوخەکە، دواتر لەناو کوخەکە منداڵێکی ساوای دیتەوە، لەوکاتەدا سابۆر پەیدابوو، پەلەماری ھەردوکیانی دا، بەڵام گۆرێلاکە توانی منداڵە ساواکە و خۆی لە دەستی سابۆر ڕزگار بکات، دواتر گۆرێلاکە منداڵەکەی بۆ دارستانەکەی خۆیان برد، ناوی منداڵەکەی لێنا ″تەڕەزان″، ھەر لەو دارستانە بەخێوی کرد. دوای چەند ساڵێکی کەم تەڕەزان بووە دۆستی دوو گیانەوەر، یەکەم گۆرێلایەک بەناوی (تێرک) کە لەتەمەنی خۆیدابوو، دووەم فیلێک بەناوی (تانتۆر) کە لەھەمان تەمەنی ئەواندا بوو، بەڵام دایکی ئەم ھاورێیانەی بەزۆری دەیانویست لە تەڕەزان دووربن، چونکە ئەو ڕوخسارێکی جیاوازی ھەبوو، لەگۆرێلا نەدەچوو، بەتایبەت گۆرێلا پیاوەکەی کالا زۆر حەزی بە بینینی تەڕەزان نەدەکرد، گۆرێلاکەی گەورە بوو، زۆربەی کات ئەو فەرمان دەکات، ئەو بەزۆری ئاگای لە گۆرێلاکانە، لەسەرەتاوە بە کالای دەوت: کە ئەم منداڵە بەخێونەکات، بەڵام کالا توانی گەورەی بکات، دوای گەورەبونی تەرەزان، سابۆر ھێرشی بۆ گۆرێلاکانی دارستانەکە ھێنا، بەتایبەتی جەنگا لەگەڵ پیاوەکەی کالا، لەبەرئەوەی سابۆر پڵینگێکی ترسناک و بەھێز بوو، بەڵام تەڕەزان یاریمەتی ئەو گۆرێلای دا، و توانی سابۆر بکوژێت.

فیلمەکە لە ڕۆژی ١٢ی حوزەیرانی ١٩٩٩، بۆ یەکەمینجار لە سینەمای ″ئێڵ کەپیتۆن″ نمایشکرا. کاست و فیلمسازەکانیش لە سینەماکە ئامادەبوون و بۆ ماوەی چل خوولەکیش کۆنسێرتێک لەلایەن فیل کۆلینس ۆ گۆرانییەکانی فیلمەکە پێشکەشکرا.

• بەشداربووانی ویکیپیدیا، «Tarzan»، ویکیپیدیای ئینگلیزی. سەردان لە ٦ی تشرینی یەکەمی ٢٠٢٠.