تەقینەوەکانی ٢٠٢١ی پارێزگای بەغدا
تەقینەوەکانی ٢٠٢١ پارێزگای بەغدا ئەو تەقینەوانە دەگرێتەوە کە لە ماوەی ساڵی ٢٠٢١ لە ناوچەکانی سەر بە پارێزگای بەغدای عێراق ڕوودەدان لەلایان ڕێکخراوە تیرۆریستییەکان یان لایەنە دەرەکییەکان یاخود لایەنە ناوخۆیییەکان ئەنجامدرابێت بۆ مەبەستێکی دیاریکراو.
بەشێک لەم تەقینەوانەی زیانی گیانی و مادی زۆریان ھەبوو
تەقینەوەکانی ٢٠٢١ی پارێزگای بەغدا | |
|---|---|
چەند دیمەنێکی تەقینەوەکانی شاری بەغدا | |
| وڵات |  عێراق |
| پارێزگا | بەغدا |
کاتھێڵی تەقینەوەکان
٢١ی جانواری
- ٢١ی جانواریی ٢٠٢١ دوو خۆکوژ لە بازا لە گۆڕەپانی تەیەران لە ناوەڕاستی بەغدای عێراق خۆیان تەقاندەوە، بەلایەنی کەمەوە ٣٢ کەس کوژران و ١١٠ کەسی دیکەش برینداربوون ھێرشێکی دەگمەن بوو لە شاری بەغدای پایتەختی عێراق، چونکە لە دوای شکستی دەوڵەتی ئیسلامی عێراق و شام لە ساڵی ٢٠١٧ەوە شاری بەغدا ھیچ ھێرشێکی لەو جۆرەی بە خۆوە نەبینیوە بەھۆی ئەم تەقینەوەیە مستەفا کازمی سەرۆک وەزیرانی عێراق کۆبوونەوەیەکی بەپەلەی لەگەڵ فەرماندە باڵاکانی ناوخۆ و بەرگری عێراق ڕێکخست بڕیاریداوە ھەنگاو بنێت بۆ گۆرینی ھەندێک لە بەرپرسانی ئەمنی و ھەواڵگرییەکان. دەوڵەتی ئیسلامی لە عێراق و شام بەرپرسیارێتی خۆی لە تەقینەوەکان ڕاگەیاند. ئەمەش دوای تێپەڕبوونی چەند کاتژمێرێک لەو ڕووداوە ڕایگەیاند کە ڕێکخراوەکەیان موسڵمانە شیعەکانی کردووەتە ئامانج.لەسەر ئاستی ناوخۆ و دەرەکی ئم ھێرشە خۆکوژییە ئیدانە کرا.
١٥ی نیسان
- ١٥ی نیسانی ٢٠٢١ لە دوانیوەرۆی ئەم ڕۆژە لە گەڕەکی حەبیبییە لە ناوچەی سەدری بەغدا لە ڕۆژھەڵاتی شارەکە، تەقینەوەیەک ڕوویدا بەھۆیەوە ژمارییەک کوژرا و برینداری لێکەوتەوەشانەی ڕاگەیاندنی ئەمنی عێراق ڕای گەیاند لە تەقینەوەکە کەسێک کوژراوە و ١٤ی دیکە بریندا بوون.
١٩ی تەممووز
- ئێوارەی ڕۆژی دووشەمە ١٩ ی تەممووزی ٢٠٢١ لە بازاڕێکی ناوچەی سەدری بەغدا تەقینەوەیەک ڕوویدا . لە سەرەتادا بە پێی وتەی شایەتحاڵان تە قیینەوەکە لە رێگای پشتەنەی بۆمب ڕێژکراو بووە لە لایەن ژنێکی بەنگلادیشەوە کارەکە ئەنجام دراوە .بەڵام ٢٠ی تەمموزی ٢٠٢١ رێکحراوی داعش بەرپرسیارێتی خۆی لە تەقینەوەکە ڕاگەیانندا ئاماژەیان بەوەدا تەقینەوەکە لە ڕێگای ئەندامێکیان بەناوی ئەبو حەمزەی عێراقی ئەنجامدراوە . دوای تەقینەوەکە مستەقا کازمی بڕیاری دەستگیرکردنی بەرپرسی ئەو ناوچەیەی دەرکرد . لە هەمانکات لێژنەیەکی ڕاسپارد بۆ لێکۆڵینەوە لە چۆنییەتی تەقینەوەکە . لە دواین ئاماردا ژمارەی قوربانیان ٣٠ کوژراو و ٥٠ برییندار ڕاگەیاندرا .
سەرچاوەکان
This article uses material from the Wikipedia Soranî / کوردی article تەقینەوەکانی ٢٠٢١ی پارێزگای بەغدا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.