بەرنامەی پەرەپێدانی نەتەوە یەکگرتووەکان
بەرنامەی نەتەوە یەکگرتووەکان بۆ پەرەپێدان یان یوو ئێن دی پی (بە ئینگلیزی: United Nations Development Programme) (کورتکراوە: UNDP) ڕێکخراوەیەکی نەتەوە یەکگرتووەکانە بۆ پەرەپێدانی وڵاتان و یارمەتیدانیان لە نەھێشتنی ھەژاری و بەدەستھێنانی گەشەی ئابووری بەردەوام و پەرەپێدانی مرۆیی.
 | |
 | |
| ناوبڕ | UNDP |
|---|---|
| جۆر | پرۆگرام |
| دۆخی یاسایی | چالاک |
| ئۆفیسی سەرەکی | نیویۆڕک ستی،  ویلایەتە یەکگرتووەکان |
دەڤەری خزمەت | لەسەر ئاستی ھەموو جیھان |
سەرۆکایەتی | Achim Steiner (بەڕێوبەر) |
| وێبگە | undp |
یوو ئێن دی پی دەستەی بەڕێوەبەرایەتی لەنێو ئەنجومەنە ئابووری و کۆمەڵایەتییەکانی ئەم وڵاتانەیە. بەڕێوبەری ئەم ڕێکخراوە سێیەمین ئەندامی باڵای نەتەوە یەکگرتووەکان لە دوای جێگری بەڕێوەبەر و جێگری جێگرەکەیە.
ناوەندی سەرەکی بەرنامەی نەتەوە یەکگرتووەکان بۆ پەرەپێدان لە شاری نیویۆرکە، بە شێوەیەکی گشتی و بە ھاوبەشی ئەندامانی ڕێکخراوەکە بنیات نراوە. ئەم ڕێکخراوە لە ١٦٦ وڵات بنکەی ھەیە کە لەگەڵ وڵاتەکان ھاوکاری دەکەن تاکوو کێشەکانی پەیوەندیدار بە پێشکەوتنی وڵات، ڕێژەی وەبەرھێنان و پەرەپێدانی نێوخۆیی چارەسەر بکەن. جگە لەمە یوو ئێن دی پی بەشێوەیەکی نێونەتەوەیی لەگەڵ وڵاتانی تریش پەیوەندی ھەیە و یارمەتییان دەدات تاکوو بگەنە ئەنجامی (MDGS) واتا بەرنامەیئامانجەکانی گەشەپێدانی ھەزارە.
یوو ئێن دی پی ڕاوێژکاری زانستییانە، ڕاوێژکاری و یارمەتی بۆ پێشخستنی وڵاتان، بەتایبەتی وڵاتانی کەمتر پێشکەوتوو پێشکەش دەکات بۆ ئەنجامدانی بەرنامەی MGPS، بۆ ھاندانی ئەم وڵاتانە بۆ پەرەپێدانی جیھانی. یوو ئێن دی پی زۆرتر لەسەر کەمکردنەوەی ھەژاری، بنیاتنانی حکوومەتی دیموکراتیک لە وڵاتان، فێرکاری ڕێگاکانی پێشگیری لە نەخۆشیگەلێکی وەکوو ئایدز، پاراستنی ژینگە و وزە و پێشگیری لە کێشەو قەیران و دووبارە بنیاتنانەوە و چاککردن سوورە. ھەروەھا وڵاتان لە بارەی پشتگیری لە مافی مرۆڤ و پڕرەنگبوونی بەشداری ژنان لە ھەموو بەرنامەیەک ھان دەدات.
ئەم ڕێکخراوەیە، ساڵانە ڕاپۆرتگەلێک لەسەر گەشەی مرۆیی بڵاو دەکاتەوە تاکوو بەرنامەکانی پەیوەندیدار بە پێشکەوتن و گەشەی وڵاتان بخاتە ژێر لێکۆڵینەوە و ھەڵسەنگاندن. جگە لەمانە ڕاپۆرتیش لەسەر ئاستی ناوچەیی و نیشتمانی بڵاو دەکاتەوە.
سەرچاوەکان
- ، «fa:برنامه عمران ملل متحد»، ویکی فارسی.
| کۆمنزی ویکیمیدیا، میدیای پەیوەندیدار بە بەرنامەی پەرەپێدانی نەتەوە یەکگرتووەکان تێدایە. |
This article uses material from the Wikipedia Soranî / کوردی article بەرنامەی پەرەپێدانی نەتەوە یەکگرتووەکان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.