بێسنوور: زنجیرەیەکی تەلەڤیزیۆنیی ئەنیمێی ژاپۆنی
باڵانسی لێکۆڵەری ملیۆنێر: بێسنوور (بە ژاپۆنی: 富豪刑事 Balance:UNLIMITED، بە ڕۆماجی: فوگۆ کێیجی بارانسو ئەنریمیتێدۆ) زنجیرەیەکی تەلەڤیزیۆنی ئەنیمێی ژاپۆنییە کە لەلایەن کلۆڤەروۆرکس بەرھەم ھێنراوە، و لەلایەن تۆمۆھیکۆ ئیتۆ دەرھێنراوە و لە ڕۆمانی لێکۆڵەری ملیۆنێر ئیلھامی وەرگرتووە کە لەلایەن یاسوتاکا تسوتسوی نووسراوە.
| باڵانسی لێکۆڵەری ملیۆنێر: بێسنوور | |
 لۆگۆی باڵانسی لێکۆڵەری ملیۆنێر: بێسنوور | |
| 富豪刑事 Balance:UNLIMITED (فوگۆ کێیجی بارانسو ئەنریمیتێدۆ) | |
|---|---|
| چەشن | کۆمیدی، لێکۆڵەری، نادیار |
| دروستکراوە لەلایەن | یاسوتاکا تسوتسوی |
| ئەنیمێ | |
| دەرھێنەر | تۆمۆھیکۆ ئیتۆ |
| نووسەر | تاکو کیشیمۆتۆ |
| ئاوازدانان | یوگۆ کانۆ |
| ستودیۆ | کلۆڤەروۆرکس |
| مۆڵەتنامە لە لایەن | |
| بڵاوبوونەوە | ٩ی نیسانی ٢٠٢٠ – ٢٤ی ئەیلوولی ٢٠٢٠ |
بۆ یەکەم جار لە ٩ی نیسانی ٢٠٢٠دا لە ماوەی ئەنیمێی نۆیتامینای کەناڵی فوجی تیڤی نمایش کرا، بەڵام بەھۆی گشتگیربوونی کۆڤید-١٩ دوای ئەڵقەی دووەم بەرنامەکانی دواخست. زنجیرەکە لە ١٦ی تەممووزەوە دەستی بە پەخش کردەوە تا ٢٤ی ئەیلوولی ٢٠٢٠.
کەسایەتییەکان
- دایسوکێ کامبێ (神戸大助، کامبێ دایسوکێ)
- کەسایەتیی سەرەکیی زنجیرەکەیە لە ڕۆمان و ئەنیمێیەکەدا، زۆر دەوڵەمەندە و میراتگری خێزانی کامبێیە، بۆ لێکۆڵینەوەکردن لە گرووپێک دەستنیشان کراوە، سەر بە بنکەی پۆلیسی تۆکیۆی پایتەختی ژاپۆنە، دایسوکێ کامبێ بە بەکارھێنانی سامانەکەی و تەکنیکیی ھاوچەرخانە چارەسەری کەیسە جیاوازەکان دەکات، تەمەنی ٢٧ ساڵە.
- ھارو کاتۆ (加藤春، کاتۆ ھارو)
- یەکێکە لە کەسایەتییە سەرەکییەکانی ئەنیمێیەکە، ھارو لێکۆڵەرە و لەگەڵ دایسوکێ لە بەشی لێکۆڵینەوەی کارگێڕیی پۆلیسی پایتەخت کار دەکات، تەمەنی ٢٩ ساڵە.
- ڕیۆ ھۆشینۆ (星野涼، ھۆشینۆ ڕیۆ)
- لێکۆڵەرێکی بەشی لێکۆڵینەوەی ١ی دەزگای پۆلیسە، پیشەکەی زۆر بەجدی وەرگرتووە، تەمەنی ٢٦ ساڵە.
سەرچاوەکان
بەستەرە دەرەکییەکان
This article uses material from the Wikipedia Soranî / کوردی article باڵانسی لێکۆڵەری ملیۆنێر: بێسنوور, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.