یووسف بەگی ئیمامی شاعیرێک بووە لە تیرەی ئیمامیی جاف کە لە کاتی میرایەتی محەممەد پاشای کوڕی کەیخەسرەو بەگدا ژیاوە و بە شێوەزاری ھەورامی شیعری وتووە.
سەبارەت بەم کەساییەتەوە، بۆ یەکەم جار عەلائەدین سەججادی لە کتێبی «مێژووی ئەدەبی کوردی»دا ناوی لێ بردووە و لە ڕیزی شاعیرە نەناسراوەکاندا ناوی لێ دەبات. بۆ دووەم جاریش پیرەمێرد، لە ڕۆژنامەی ژیندا ناوی دەبات و ھۆنراوەیێکی کە بە ھەورامی وتراوە بە کوردیی ناوەندی وەڕی دەگێڕێت. دیوانی ھۆنراوەکانی لە ساڵی ٢٠٠٩ لەلایەن حەکیم مەلا ساڵح لە چاپ درا. زۆربەی ھۆنراوەکانی لە بابەتی خواناسی و دین و ئایینە.
سەبارەت بەم ھۆنراوەیە: ڕۆژێک پڵنگێک چیادا برای یووسف بەگ دەیکوژێت، یووسف بەگ کە پیاوێکی بەجەرگ بووە دەچێت بۆ کێو و لەوێ پڵنگەکە دەکوژێت و ئەم شیعرە دەڵێت. لە ساڵی ١٩٥٥دا، پیرەمێرد لە ژمارەی ١٣٠٢ی ڕۆژنامەی ژیندا دوای گۆڕین بۆ سەر شێوەزاری سلێمانی بڵاوی دەکاتەوە.
کەفتەن ئارایش، کەفتەن ئارایش | نازداری جافان، کەفتەن ئارایش | |
دمای ئارایش، کەردش فەرمایش | تەڵمیت بەندانەن پەرێ «دزیایش» | |
وێش پێچان وە بەرگ سەفەرنماوە | بە لارە و لەنجە دڵبەر ئاساوە | |
شەدە و سرکەیی کێشان وەدەورا | رۆ شیرین تەربی نە ھاڵەی ھەورا | |
دەسماڵی کەتان عەنکەبووتیڕەنگ | دەستکردی خاسەی کارخانەی فەرھەنگ | |
بە جامەی ڕەنگین شۆخی شیرین تەرز | دڵش شێردڵان ماوەرەد ئەو لەرز | |
ئاھووی «شیروانە» چەم وە نیگاوە | گاە گاە وە ڕووی ناز ھۆرمگێلاوە | |
قەد و قامەتت ھەمچو «قد قامت» | کە خێزا خێزا شۆڕی قیامەت | |
بەو گریشمە و ناز خەرامانەوە | کەفتەڕا نەڕای «دووئاوان»ەوە | |
پا نیا وە ڕیکاب سوار بی وەھۆش | حۆریی سەماوات یاوزنگی گردت بۆش | |
وێش خۆرشیدێ بی بوڕاق شیرش بی | بوڕاقی میعراج ئەو ئەسیرش بی | |
شیر و خۆرشیدی نیشانی ئێران | جەو تەرز و تەرحە ئامان وە مەیدان | |
کەلی «شاکەل»ش پڕ کەردەن جە نوور | سەرای گەرمەسێر بێ وادەیی توور |
This article uses material from the Wikipedia Soranî / کوردی article یووسف بەگی ئیمامی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.