یاری کۆتاییی خولی یانە پاڵەوانەکانی ئەورووپای ٢٠٢٢
یاری کۆتایی خوولی یانە پاڵەوانەکانی ئەوروپا بۆ ساڵی ٢٠٢٢ی وەرزی٢٠٢١–٢٢، ٦٧مین یاریی کۆتایی پاڵەوانێتی تۆپی پێی یانەکانی ئەورووپا بوو کە لەلایەن یەکێتی تۆپی پێی ئەورووپا ڕێکخرابوو، ھەروەھا ٣٠ھەمین وەرز بوو لەو کاتەوەی ناوەکەی لە جامی یانەکانی ئەورووپا گۆڕدرا بۆ جامی یوفای خولی پاڵەوانەکانی ئەورووپا.
لە یاریگای فەرەنسا لە سان دێنیس لە فەرەنسا لە ٢٨ی ئایاری ٢٠٢٢ لە نێوان یانەی لیڤەرپوڵی ئینگلیزی و یانەی ڕیال مەدریدی ئیسپانی ئەنجامدرا. ئەوە سێیەم جار بوو ھەردوو یانە لە یاری کۆتایی خولی پاڵەوانەکانی ئەورووپا بەیەکبگەن، دوای ساڵانی ١٩٨١ و ٢٠١٨، سێیەم یاری کۆتایی خولەکە بوو کە لە فەڕەنسا بەڕێوەچوو ، دوای یارییەکانی کۆتایی ٢٠٠٠ و ٢٠٠٦، ھەروەھا یەکەمجار بوو ھەمان دوو یانە لە سێ یاری کۆتاییدا ڕووبەڕووی یەکترببنەوە.
| یاریی کۆتاییی خولی پاڵەوانەکانی ئەورووپای ٢٠٢٢ | |
|---|---|
 | |
| بەشێکە لە | خولی پاڵەوانەکانی ئەورووپای ٢٠٢١-٢٠٢٢ |
| پۆلی پێشبڕکێ | تۆپی پێی پیاوان |
| وەرزش | تۆپی پێ |
| وڵات | فەڕەنسا |
| دابەشکاریی کارگێڕی | Saint-Denis |
| جێ | Stade de France |
| پاشکۆ | یاریی کۆتاییی خولی پاڵەوانەکانی ئەورووپای ٢٠٢١ |
| لەدوای ئەو | یاریی کۆتاییی خولی پاڵەوانەکانی ئەورووپای ٢٠٢٣ |
| کاتی ڕوودان | ٢٨ی ئایاری ٢٠٢٢ |
| سەردەم | 2021-2022 one-year-period |
| یانە بەشداربووەکان | یانەی تۆپی پێی لیڤەرپوول، یانەی تۆپی پێی ڕیال مەدرید |
| براوە | یانەی تۆپی پێی ڕیال مەدرید |
| ناوبژیوان | Clément Turpin |
| ھاشتاگ | UCLfinal، ChampionsLeagueFinal |
ئەمە یەکەم یاریی کۆتایی بوو کەبەئامادەبوونی ھاندەران لە دوای یاری کۆتایی ٢٠١٩ەوە ئەنجامدرا، چونکە دوو یاری کۆتایی خولی پێشوو بەھۆی پەتای کۆڤید-١٩ەوە بەبێ ئامادەبوونی ھاندەر یاخود بەڕێژەیەکی کەم لە بەشداری ھاندەران بەڕێوەچوون. لە سەرەتادا بڕیار بوو یاری کۆتایی لە یاریگای ئەلیانز ئارێنا لە شاری میونشنی ئەڵمانیا ئەنجام بدرێت بەڵام لەوێ ئەنجام نەدرا بەھۆی میوانداری کردنی یاریگاکە لە ساڵی ٢٠٢٠، بۆیە یاری کۆتایی ٢٠٢٢ درا بە یاریگای کرێستۆڤسکی لە سەنت پیتەرزبورگ لە ڕووسیا، پاشان بەھۆی لەشکرکێشی ڕووسیا بۆ سەر ئوکراینا لە ٢٤ی شوبات، یەکێتی تۆپی پێی ئەورووپا لە کۆبوونەوەیەکی نائاسایی دەستەی بەڕێوەبەری بانگھێشت کرد، کە چاوەڕوان دەکرا بە فەرمی یارییەکە لە ڕووسیا بکێشێتە دەرەوە. دوای ڕۆژێک ڕاگەیەندرا کە یاری کۆتایی دەچێتە وڵاتی فەرەنسا لە یاریگای سانت دێنیس کە دەکەوێتە باکووری پاریس.
لە یارییەکەدا ڕیاڵ مەدرید بە گۆڵێکی ڤینیسیۆس جونیۆر لە خولەکی ٥٩یەمیندا بە ئەنجامی ١ - ٠ یارییەکەی بردەوە و ١٤ھەمین نازناویان بەدەستھێنا ، کە ژمارەی پێوانەیی بوو، ھەروەھا پێنجەمین نازناوی لە ماوەی نۆ ساڵدا بەدەستی ھێنا. وەک براوەی چامپیۆنزلیگی وەرزی ٢٠٢١–٢.٢٢، ڕیاڵ مەدرید مافی ئەوەی بەدەستھێنا بەرامبەر براوەی خولی خوولی ئەوروپی ٢٠٢١–٢٠٢٢، ئینتڕاخت فرانکفۆڕت، لە جامی سووپەری ئەوروپی ٢٠٢٢ ڕووبەڕووی یەکبنەوە.
سەرچاوەکان
| کۆمنزی ویکیمیدیا، میدیای پەیوەندیدار بە یاری کۆتاییی خولی یانە پاڵەوانەکانی ئەورووپای ٢٠٢٢ تێدایە. |
This article uses material from the Wikipedia Soranî / کوردی article یاری کۆتاییی خولی یانە پاڵەوانەکانی ئەورووپای ٢٠٢٢, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.