٢٠٢١ لە کوردستان
کوردستان لە ٢٠٢١ تایبەتە بەو ڕووداو و لەدایکبوون و مردنانەی لە ماوەی ساڵی ٢٠٢١ز لە کوردستان ڕوویانداوە بە تایبەت ئەوانەی دەنگدانەوە و کاریگەری زۆری لەسەر کوردستان ھەبووە.
ڕووداوەکان
- ھێرشی مووشەکی بۆ سەر ھەولێر : لە ١٥ی شوبات ، ھێرشێکی مووشەکی بۆ سەر ھەولێر کرا. مووشەکەکان لە شوێنێکی نزیک ھەولێر بەرەو بنکەی ھێزە ئەمریکییەکانی نێو فڕۆکەخانەی نێودەوڵەتیی ھەولێر ھاوێژران. بەھۆی ھێرشەکە کەسێک کوژرا و ھەشت کەسیش بریندار بوون. گرووپێک بە ناوی سەرایا ئەولیای دەم «سرايا أولياء الدم» بەرپرسیارەتیی ھێرشەکەی گرتەئەستۆ.
- شەڕی قامیشلۆ :لە ٢٠ی نیسان شەڕێک لە نێوان ڕۆژاوای کوردستان و ھێزەکانی سەر بە حکوومەتی سووریا لە شاری قامیشلۆ ئەنجامدرا . لەدوای وەیکە ئاساییش یەک ئۆتۆمۆبیلی ھێزەکانی بەرگریی نەتەوەیی تەقاندەوە. ئەم تێکھەڵچوونانە بە چەکی سووک و قورس ئەنجامدرا.دوای ئەم شەڕە چەکدارە کوردەکان نزیک بە ھەمووی شاری قامیشلۆیان گرتەبەردەست.
- سەردانی پاپا فرانسیس : ڕۆژی ٧ی ئازار پاپا فرانسیس ، پاپای ڤاتیکان سەردانی هەرێمی کوردستانی کرد ، لەلایەن سەرۆکی هەرێم و حکومەت و بەشێک لە بەرپرسانی هەرێمی کوردستان پێشوازی لێکرا ، بۆ ئەو مەبەستەش ڕێوڕەسمێکی ئاینی لە یاریگای شەهید فەرەنسۆ هەریری لە هەولێر ئەنجام درا .
پەڕگە:Behzadmahmoudi.jpg ڕووداوی خۆسووتاندنی بێھزاد مەحموودی: لە ١٨ی ئایاری ٢٠٢١ بێھزاد مەحموودی (لەدایکبووی ١٩٩٥ – مردووی ٢٣ی ئایاری ٢٠٢١) پەناخوازێکی سیاسی خەڵکی ڕۆژھەڵاتی کوردستان و پێشمەرگەی پێشووی سازمانی خەبات. لە دایکبووی شاری بۆکانی ڕۆژھەلاتی کوردستانە ناسراوە بە محەممەد محەممەدی بەھۆی خراپی بارودۆخی ژیانی لەکاتی لێداوان بۆ چەند کەناڵیکی ڕاگەیاندنی ھەرێمی کوردستان لە بەردەم بارەگای نەتەوە یەکگرتووەکان لە شاری ھەولێر ئاگری لە جەستەی خۆی بەردا.بەھۆی ئەمەوە زیاتر لە ٩٠٪ جەستەی سووتا.شەوی یەک شەمە ٢٣ی ئایاری ٢٠٢١ بەھۆی زۆری ڕێژەی سووتانەکەی لە نەخۆشخانەی ئیمرجنسی شاری ھەولێر کۆچی دوای کرد. ئەم ڕووداوە ھەر زوو کاردانەوەی زۆری خەڵکی لێکەوتەوە.٢٠ی ئەیاری ٢٠٢١ بەھۆی ئەم ڕووداوە بەشێکی زۆر لە پەنابەرانی ڕۆژھەلاتی کوردستان لەسەر داوای کۆمیتەی ئەندام و لایەنگرانی سازمانی خەبات کاتژمێر ١٠ی بەیانی ڕۆژی پێنج شەممە لە بەردەم بارەگای نەتەوەیەکگرتووەکان لە ھەولێر گردبووەیەکیان ئەنجام دا.وێنەی بێھزاد محمودی لە نەخۆشخانەی ئیمێرجنسی شاری ھەولێر - ٢٧ی تەممووز – ھەورامان لە ڕۆژھەڵاتی کوردستان لەلایەن میراتی جیھانیی یوونێسکۆ خرایە ناو پێڕستی شوێنەوارە جیھانییەکانەوە.
- کێشە ناوخۆییەکانی یەکیتی نیشتیمانی کوردستان : لە ٨ی تەممووز یەکێتی نیشتیمانی کوردستان ڕووبەڕووی کۆمەڵیک کێشەی ناوخۆیی بووە پاش ئەوەی هەواڵی ژاهراویکردنی بافڵ تاڵەبانی هاوسەرۆکی یەکیتی لەلایەن لاهور شێخ جەنگی ئامۆزا و هاوسەرۆکی دووەمی یەکیتی بڵاوکرایەوە ئەم ڕووداوە کاردانەوەی زۆری لێکەوتەوە بەتایبەت کاتێک هەوالی ژەهراویکردنی مەلا بەختیار ئەندامی لێژنەی بالای بەرژەوەندییەکانی یەکیتی و وەستا ڕەسوول بەرێوبەری پێشووتری ئاسایشی سلێمانی بڵاوبوونەوە . لە پاش ئەم ڕووداوە کۆمەلێک گۆرانکاری لە پۆستی سەرۆکی دەزگای زانیاری و دەگازگای دژە تیرۆر ئەنجام دران . لاهور شێخ جەنگی هاوسەرۆکی یەکێتی ، ئاڵا تاڵەبانی، ژینۆ محەمەد و ئاراس شێخ جەنگی ئەندامانی ئەنجوومەنی سەرکردایەتی لە یەکێتی نیشتیمانی کوردستان دورخرانەوە
- ھێرشی سەر خێزانی کورد لە قۆنیە: لە ٣٠ی تەممووز لە ناوچەی مارمارەی قۆنیە، تورکیا ھێرشێکی ڕەگەزپەرستانە لە لایەن گرووپێکی فاشیزمی تورک بۆ سەر بنەماڵەیەکی کورد ئەنجامدرا. لە ئەنجامی ھێرشەکەدا حەوت ئەندامی خێزانەکە، کە لە چوار پیاو و سێ ژن پێکدەھاتن بە دەستڕێژی گوللە گیانیان لەدەستدا. ناوی ئەم خێزانە کوردە دەدەئۆغوڵڵاری بوو کە زیاتر لە ٢٠ ساڵ بوو کە لە قۆنیە دەژیان. ھەروەھا ئەم کارەساتە وەکوو «کۆمەڵکوژی» ناوی لێدەبرێت.
- هەشتەمین خوولی فێستیڤاڵی نێونەتەوەییی فیلمی دھۆک: ڕۆژی دووشەمە ١٥ی تشرینی دووەم هەشتەمین خوولی فێستیڤاڵی نێونەتەوەییی فیلمی دھۆک بە بەشداری ٩٤ فلیم لە ٣٠ ولاتی جیاواز لە شاری دهۆک دەستی پێکرد . لە فێستیڤاڵەکە دا ٤٩ فلیمی بیانی و ٤٥ فلیمی کوردی پیشاندران .ڕۆژی دووشەمە ٢٢ی تشرینی دووەمی ٢٠٢١خەلات بەسەر فلیمە سەرکەوتووەکان دابەش کرا کە هەشت خەلات بۆ فلیمە کوردیەکان بوون و چوار خەلاتیش بۆ فلیمە بیانییەکان بوو .
- خۆپیشاندانەکانی خوێندکارانی ھەرێمی کوردستان کۆمەڵێک خۆپیشاندان بوو کە لە ڕێکەوتی ٢١ی تشرینی دووەم ھەتا ٢٧ی تشرینی دووەمی ٢٠٢١ لەلایەن خوێندکارانەوە بە ئامانجی گەڕانەوەی دەرماڵەکانی خوێندن ئەنجامدرا. ھێزە ئەمنییەکان لە سلێمانی بە ئامانجی بڵاوەپێکردنی خۆپیشاندەران، گازی فرمێسکڕێژ و ئۆتۆمۆبیلی ئاوڕێژیان بەکاھێنا و بەھۆیەوە دۆخی تەندروستی بەشێکی خوێندکاران تێکچوو.
- لافاوەکەی پارێزگای هەولێر: ڕۆژی هەینی ١٧ی کانوونی یەکەم بەهۆی باران بارینێکی بەخوور لافاو لە چەند گەڕەک و ناحییەیەکی سەر بە پاریزگای هەولێر دروست بوو , ئەم لافاوە بووە هۆی مردنی ١٢ کەس ، لەگەڵ ئەوەشدا ٢٥٠٠ ماڵ تووشی زیانی مادی زۆر بوونەوە ژمارەیەکی زۆری ئۆتۆمبێل زیانیان بەرکەوت . تەرمی دوو لە مردووەکان کە یەکیان منداڵیکی تەمەن ١٠ مانگە و ئەوی دیکەیان شوانێکی تەمەن ٢٠ ساڵە هێشتا نەدۆزراوەتەوە . زیانە مادییەکان بە ٢١ ملیار دیناری عێراق مەزەندە کرا .
پەڕگە:Heydar Qurbani.jpg پێنجەمین خولی فێستیڤاڵی نێونەتەوەییی فیلمی سلێمانی : فێستیڤاڵی نێونەتەوەییی فیلمی سلێمانی فیستیڤاڵێکی فیلمە کە لە شاری سلێمانی بەڕێوە دەچێت ,ڕۆژی هەینی ١٧ی کانوونی یەکەم پێنجەمین خولی خۆی بە بەشداری١٤٣ فلیم دەستی پێکرد لە ٢٤ی کانوونی یەکەم کۆتایی هات .حەیدەر قوربانی - لە سێدارەدانی حەیدەر قوربانی : لە ١٩ی کانوونی یەکەم بەندکراوی سیاسی حەیدەر قوربانی بە تۆمەتی دەستدرێژی بۆ سەر مافەکانی خەڵک، ھاوکاری لە کوشتنی سێ کەس لە ئەندامانی سپای پاسداران ھەروەھا ئەندامەتیی حیزبی دێموکراتی کوردستانی ئێران ،دوای ئەوەی کاتژمێر ١١ی شەوی ١٨ی کانوونی یەکەم گوازرایەوە بۆ ژووری تاکەکەسی ، لە کاتژمێر ٥ی بەرەبەیانی ١٩ی کانوونی دووەمی ٢٠٢١ لە بەندیخانەی ناوەندیی سنە لە سێدارە درا.ھەروەھا، تەرمەکەی لە شاری سنە بە خاک سپێردرا و ھێزە ئەمنییەکان ڕێگەیان بە بنەماڵەکەی نەدا بۆ ئاخرین جار تەرمەکەی ببینن. لە سێدارەدانی حەیدەر قوربانی ناڕەزایەتی زۆری بنەماڵە و خەڵک و ڕێکحراوەکانی مافی مرۆڤی لێکەوتەوە .
- گەڕانەوەی تەرمی کۆچبەرە خنکاوەکان :لە ٢٦ی کانوونی یەکەم تەرمی ژمارەیەک لە کۆچبەرە کوردە خنکاوەکانی کوردستان کە لە نۆکەندی ئینگلیز بەهۆی نقومبوونی کەشتییەکەیان خنکابوون گەرانەوە کوردستان ، لە ڕێورەسمێکدا تەرمەکان ئەسپاردەی خاک کران ٤کەسیان ئەندامی خێزانیکی خەڵکی دەربەندیخان بوون ، ٨ کەسی دیکەیان خەڵکی ناوچەکانی سەر بە ڕاپەرین بوون . .
- شاری سنە پایتەختی کتێب : لە ڕێکەوتی ٢٧ی کانوونی یەکەم شاری سنە وەک حەفتەمین پایتەختی کتێب لە ئێران هەڵبژێردرا ئەمەش بەهۆی ئەو کاروچالاکی و پێشانگایانەی بەمەبەستی پەرەپێدان بە خوێندنەوە لەو شارە ئەنجام دراون .
لەدایکبوونە دیارەکان
مردنەکان
.jpg)
- حەیدەر قوربانی، ٤٨، بەندکراوی سیاسیی کورد، سێدارە.
- موراد کانی کوردەیی، ؟، فەرماندەی سەربازی و بەڕێوەبەری فەرمانگەی یاساییی پۆلیسی ڕاپەڕین، کوژران بەدەستی ھێزە ئەمنییەکان.
- عوسمان ئۆجەلان، ٦٣، شەڕکەر، سیاسەتوان، فەرماندەی پێشووی پارتی کرێکارانی کوردستان و برای بچووکی عەبدوڵڵا ئۆجەلان، کۆڤید-١٩.
- بورھان گیزلەنمیش، ؟، وێنەگر و ڕۆژنامەوانی کوردی باکووری کوردستان، شێرپەنجەی ئێسک و وەستانی دڵ.
- شوکری سەرحەد، ٦٤، چالاکی سیاسیی کورد و ئەندامی کۆمیتەی ماڵباتی شەھیدانی پارتی کرێکارانی کوردستان، تیرۆرکردن.
- عەبدوڵڵا خەیات، ٥٧، ئەکتەری کورد، کۆڤید-١٩.
- نادر نادرۆڤ، ٨٩، ئەندازیار، پرۆفیسۆر و زانای کوردی کازاخستان.
- ڕێناس ڕۆژ، ؟، شۆڕشوانی کورد و یەکێک لە فەرماندەکانی یەکینەکانی پاراستنی گەل (یەپەگە)، کوژران بەدەستی ئەرتەشی تورکیا.
- سەلام کۆیی، ٦٦، ھونەرمەند و ئەکتەری کورد، جەڵتەی مێشک.
- کنیەز ئیبراھیم میرزایێف، ٧٤، مامۆستای زمان، چاند و مێژووی کوردی و سیاسەتوانی کوردی ئێزیدیی خەڵکی ئەرمەنستان و کازاخستان.
- مووسا باباخانی، ٤٠، چالاکی سیاسیی کورد و ئەندامی کۆمیتەی ناوەندیی حیزبی دێموکراتی کوردستان (حدک)، تیرۆرکردن.
- جافر زەلکەیی، ٥٥، ژەنیاری ئامێری شمشاڵی کورد.
- ڕێبین ڕەحیمی، ٤٩، چالاکی سیاسیی کورد و ئەندامی پارتی ژیانی ئازادی کوردستان (پژاک)، تیرۆرکردن.
- شێرکۆ بابان، ٦٨، مامۆستای زانکۆ، نووسەر و زمانناسی کورد.
- بێھزاد مەحموودی، ٢٦، کەسایەتیی سیاسیی کورد.
- شاھۆ گۆران، ٨٨، نووسەر، ڕووشنبیر و ڕوژنامەوانی کورد.
- مستەفا موسلیم، ٨١، زانای ئیسلامی کورد.
- دڵزار، ١٠١، شاعیر و سەربازی کورد.
- ڕۆژ نووری شاوەیس، ٧٤، سیاسەتوانی کورد و یەکەمین سەرۆک وەزیرانی ھەرێمی کوردستان.
- کەمال مەزھەر، ٨٤، نووسەر، مێژوونووس، لێکۆڵەر و مامۆستای زانکۆی کورد.
- قەدری یڵدرم، ٦٢، مامۆستای زانکۆ، نووسەر و نوێنەری پەرلەمانی کورد.
- نەمام غەفووری، ٥٢، پزیشک و چاکەکاری کورد.
- کەریم کەریمپوور، ٦٠، نووسەر، فەرھەنگنووس و لێکۆڵینەری کورد.
سەرچاوەکان
This article uses material from the Wikipedia Soranî / کوردی article ٢٠٢١ لە کوردستان, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.