دەستکاریی تێکدەر
دەستکاری تێکدەر چەند دەستکارییەکە کە بۆ ماوەیەکی درێژ لەلایەن بەکارھێنەرێکەوە دەکرێت لەسەر وتارێک یان پەڕەیەک، ئەو دەستکارییانەش دەبنە کۆسپ و ڕێگری دەکەن لە چاکسازیکردن لە وتارەکەدا.
 | ئەم پەڕەیە ڕێسایەکی ویکیپیدیای کوردیی ناوەندی دەخاتە ڕوو. ئەم پەڕەیە ستانداردێکی پەسەندکراوە و پێشبینی لە ھەموو بەکارھێنەران دەکرێت کە گوێڕایەڵی بن. لەوانەیە ھەندێکجار بۆ باشترکردنی ویکیپیدیا پەسەند بکرێت کە یەکێک لەم ڕێنماییانە پشتگوێ بخرێت. ھەر جۆرە دەستکارییەک لەم پەڕەیەدا بکرێت پێویستە لەسەر یەکدەنگی ئەنجام درابێت. ئەگەر گومانێکت ھەیە، لەسەر پەڕەی وتووێژ باسی بکە. |
 | ئەم پەڕەیە بە کورتی: دەستکاریی تێکدەر ڕووخێنەرە و ئەو بەشداربووانەی بەو کارە ھەڵدەستن لەوانەیە بێکۆتا بەربەست بکرێن. |
دەستکاریی تێکدەر ھەمان شت نییە لەگەڵ خراپکاریدا، ھەرچەندە خراپکاریش ڕووخێنەرە. ھەرکامێک لەم دوو شتە، دەبێت بە شێوەیەکی جیاواز مامەڵەیان لەگەڵ بکرێت. مەرج نییە دەستکاریی تێکدەر دایم لە ئەنقەست ئەنجام درابێت. لەوانەیە زۆرجار بەکارھێنەرەکە بە نیازێکی پاک دەستکارییەکەی خۆی ئەنجام دابێت، بەڵام پچڕێنەر بێت. ھەرچۆنێک بێت، بە ھەردوو شێوەکە ھێشتا زیان بە ویکیپیدیا دەکات و دەبێت بەکارھێنەران بە خێرایی ئاگادار بکرێنەوە. ئەگەر ھەر بەردەوام بوون، لەوانەیە بەربەست بکرێن.
کورتە
ویکیپیدیا بە ھۆی کراوەییەکەیەوە بەناوبانگ بووە و سەرکەوتووە. ھەرچۆنێک بێت، ھەر ئەو کراوەییەش زۆرجار دەبێتە ھۆی ڕاکێشانی سەرنجی ئەو کەسانەی کە ڕێکلام بۆ خۆیان دەکەن، توێژینەوەی سەرەتایی ئەنجام دەدەن، یانیش لایەنگری دەکەن. ئەم جۆرە کردەوانە ویکیپیدیا لە زانستنامەیەکی باوەڕپێکراو دووردەخاتەوە و لەوانەیە وا لە بەکارھێنەرە تێکۆشەرەکان بکات دەست ھەڵبگرن لە پرۆژەکە لەکاتی ھەستپێکردن بە شتێکی لەو بابەتە. بۆ ئەوەی ڕێگری لە دەستکاریی تێکدەر بگیرێت، بەردەوام دەبێت لەسەر یەکدەنگی ھەڵسوکەت بکرێت.
This article uses material from the Wikipedia Soranî / کوردی article ویکیپیدیا:دەستکاریی تێکدەر, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.