میا مۆتلی

مۆتلی ھەشتەم کەسە کە وەک سەرۆک وەزیرانی باربادۆس خزمەت بکات و یەکەم ژنە کە ئەو پۆستە وەربگرێت لە مێژووی ئەو وڵاتە. مۆتلی لە چەندین پۆستی وزاری و حکومی کاری کردووە ئەندامی پەرلەمان بووە و دوو جار لە ئەنجومەنی نوێنەرانی باربادۆس سەرکردایەتی ئۆپۆزسیۆنی کردووە، یەکەمجار لە نێوان ساڵەکانی ٢٠٠٨ بۆ ٢٠١٠ و دووەمجاریش لە نێوان ٢٠١٣ بۆ ٢٠١٨، پارتی کرێکارانی باربادۆسی (BLP) بە سەرۆکایەتی مۆتلی لە ھەڵبژاردنە گشتییەکەی ٢٤ی ئایاری ٢٠١٨ ئەو وڵاتەدا سەرکەوتنێکی مێژوویی بەدەست ھێنا ٣٠ کورسی ئەنجومەنی نوێنەران و ٧٢٬٨٪ی دەنگی جەماوەری بەدەستھێنا، کە بەرزترین ڕێژەی دەنگدان بوو لەھەڵبژادنەکان. لە ٢٥ی ئایاری ٢٠١٨ پۆستی سەرۆک وەزیرانی باربادۆسی وەرگرت.

میا مۆتلی
Mia Mottley en 2019
Mia Mottley
لەدایکبوون	Mia Amor Mottley  ١ی تشرینی یەکەمی ١٩٦٥  (تەمەن ٥٨ ساڵ) باربادۆس
زانکۆ	London School of Economics and Political Science United Nations International School University of the West Indies - Cave Hill Campus
پیشە	سیاسەتوان
حیزب	Barbados Labour Party
خەڵاتەکان	Order of the Golden Heart of Kenya ١٠٠ ژن لە بی بی سی (٢٠٢٢) تایم ١٠٠ (٢٠٢٢)
پلە	Member of the House of Assembly of Barbados (١٩٩٤–)، Prime Minister of Barbados (٢٠١٨–)، Minister of Finance of Barbados (٢٠٢٢–)، Minister of National Security of Barbados (٢٠٢٢–)

ئەو لەوەتەی ساڵی ١٩٩٤ لە چەند خولێکی یەک لە دوای یەک بووە پەرلەمانتار لە پەرلەمانی باربادۆدس. میا لە ساڵی ١٩٨٦، بڕواننامەی بەکالۆریۆسی لە یاسا وەرگرت لە سکوڵی ئابووری لەندەن.

لە دوای ھەڵبژاردنە گشتییەکەی باربادۆسە لە ١٩ی کانوونی دووەمی ٢٠٢٢ گۆڕینی سیستەمی حکومەت لە پاشایی بۆ کۆماری بۆ دووەمجار توانی سەرجەم کورسیەکان بەدەست بھێنێتەوە .

میا مۆتلێی لەلایەن وڵاتانی دیکە چەند خەڵات و مێدالیایەکی ڕێزلێنانی پێدراوە؛

•   -   کینیا - مێدالیای دڵی زێڕین کینیا (٢٠١٩)
•   -   گویانا - ڕێزلێنانی ڕۆڕایما – گینیا (٢٠٢٠).