زیمێنس ناوی کۆمپانیایەکی فرەنەتەوییە کە لە ساڵی ١٨٤٧ لە لایەن ڤێرنەر فۆن زیمێنس لە بەرلین دامەزرا.
ساڵی ١٨٥٥ زیمێنس لقێکی کۆمپانیاکەی لە سانکت پیتەرسبورگ دامەزراند لەسەر دەستی کارل، لەپاشاندا برایەکی تریان بەڕێوەبردنەکەی گرتە ئەستۆ. ئەم لقەی زیمێنس توانیی ساڵی ١٨٨٣ کارگەی دروستکردنی کێبڵ و گەیاندن بنیات بنێت.
گەشەکردن و گەورەبوونی زیمێنس بەردەوام بوو، کە ھەنووکە تەنھا لە ئەڵمانیادا لە ١٢٥ جێگە دامەزراوە و بەشی ھەیە، لە ١٩٠ وڵاتی جیادا بنکە و دامەزراوەی ھەیە کە نزیکەی ٤٧٥ ھەزار کارمەند (سەرژمێری تاکوو سەرەتای ٢٠٠٧) کاری تێدا دەکەن، لەم ھێندە زیاتر لە ١٦١ ھەزار کارمەندی بەتەنھا لە ئەڵمانیادا دەستبەکارن کە دەکاتە نزیکەی ٣٤٪ ی کۆی گشتیی ھەموو.
زیمێنس لە شەش بواری سەرەکیدا ڕۆڵێ خۆی دەبینێت، کە لەو بوارانەشەوە گەلێ لق و بەشی توێژینەوە و دروستکردنی تری ھەیە:
لە ساڵی ١٩٩٠ دا بەسەرمایەی ٥١٪ ھاوبەشیی کرد لە دروستکردنی Nixdorf Computer AG کە کردی بە کۆمپانیای ھاوبەشی زیمێنس - نیکسدۆرف بۆ کاری تەکنەلۆژیای زانیارییەکان. ئەم دامەزراوە دەیان پرۆژەی دروستکردنی کۆمپیوتەر و نەرمەکاڵای بەرھەم ھێنا، ساڵی ١٩٩٩ نیکسدۆرف تەنیا مایەوە و بوو بە Wincor Nixdorf International GmbH
دوابەدوای جیابوونەوەی زیمێنس لە نیکسدۆرف ساڵی ١٩٩٩، ڕێککەوتنێک واژۆ کرا لە نێوان فوجیتسوی ئەورووپا فوژیتسو Computers Europe و زیمێنس بەشی بەرھەمھێنانی کۆمپیوتەر Siemens Computer Systems، لەو کاتەوە وەکوو پرۆژەیەکی ھاوبەش بەڕێوە دەچێت لەنێوان دوو کۆمپانیای ناوبراو دا بۆ دروستکردنی کۆمپیوتەر.
FSCSiemens Computer Systems گەورەترین دامەزراوەی بەرھەمھێنانی کۆمپیوتەرە لە ئەورووپادا و، چەندین بەشی ھەیە لە وڵاتی جیاجیادا، لە ڕۆژھەڵاتی ناوەڕاست و ئەفریقاش بەشی ھەیە.
لە ئامێرێکی بچووکی Personal Digital Assistant - PDA تاکوو کۆمپیوتەری گەورە Mainframe. ساڵی ٢٠٠٦ بەشی کار و خزمەتگوزاریی زیمێنس Siemens Business Servicesـی کڕی (کە ھەنووکە بە ڕاژەکانی تەکنەلۆژیای زانیاری IT Solutions and Services ناسراوە). FSC نزیکەی ١١٠٠٠ کارمەند کاری تێدا دەکات و بەڕێوبەرایەتیی لە وڵاتی ئەڵمانیا نیشتەجێیە.
لە ڕێکەوتی ١/٤/٢٠٠٧ زیمێنس و نۆکیا دامەزراوەیەکی ھاوبەشیان ڕاگەیاند کە بنکەکەی لە فینلەندایە، کاری ئەم دامەزراوەیە لەبواری مۆبایل و تۆڕەکەیدا خۆی دەبینێتەوە. بەپێی ئەو ئامارەی نۆکیا ئاشکرای کردووە، ٦٠٠٠٠ کارمەند لەم دامەزراوەیەدا کار دەکەن.
کۆمنزی ویکیمیدیا، میدیای پەیوەندیدار بە زیمێنس تێدایە. |
This article uses material from the Wikipedia Soranî / کوردی article زیمێنس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.