تەمی سەر خەرەند
تەمی سەر خەرەند ڕۆمانێکە لە نووسینی شێرزاد حەسەن کە پاییز و زستانی ٢٠٠٢ نووسیویەتی و ساڵی ٢٠٠٣یش لە ھەولێر بڵاوی کردووەتەوە.
تەمی سەر خەرەند یەکێک لە باشترین ڕۆمانە کوردییەکانە.
 | |
| نووسەر | شێرزاد حەسەن |
|---|---|
| وڵات | کوردستان |
| زمان | کوردی |
| بابەت | ڕۆمان |
| جۆری کتێب | چاپ ئەلکترۆنی دەنگی |
چیرۆک
فەرھاد، دوای چەند ساڵان لە ھەندەرانەوە دەگەڕێتەوە کوردستان و دەچێتەوە گوندی خۆیان. لەوێ، لەگەڵ ئەوەی بە ھەموو شوێنێک نامۆیە و ھیچ ناسیاوێکیش نابینێت، بە بیرەوەرییەکانی سەردەمی منداڵیی خۆیدا دێتەوە.
کەسایەتییەکان
- فەرھاد
- شیرین
- نەنێ
چاپەکان
- چاپەمەنیی مانگ
- ناوەندی غەزەلنووس
- دەزگای ئاراس
- دەزگای ئاراس - لەگەڵ سەرجەمی بەرھەم ٢ (ڕۆمانەکانی شێرزاد حەسەن)
- ماڵی وەفایی (کۆڕۆمان)
وەرگێڕانەکان
- ڕەزا کەریم موجاور ئەم ڕۆمانەی لەژێر ناوی «ناتور درە» وەرگێڕاوەتە سەر فارسی و چاپەمەنیی ئەفراز لە ١٤٢ لاپەڕەدا بڵاوی کردووەتەوە؛ دوایین جار ساڵی ٢٠١٦ چاپ کراوەتەوە.
فیلم
بڕیار وابوو ساڵی ٢٠٠٥ لەسەر بنەمای ئەم ڕۆمانە فیلمێک لە خەرەندی ڕەواندز ساز بکرێت. تەنانەت لە نێوان وەزارەتی ڕۆشنبیری و دەرھێنەرەکەی، بەڵێننامەیەک واژوو کرا، بەڵام پرۆژەکە لە کۆتاییدا ڕووبەڕووی ھەندێک کێشەی دارایی و یاسایی بۆوە.
کورتە
سەگباب تۆ شوانی چەند مەڕ و بزنانی؟ بەدەم ھەنسکەوە وتم: شەست.. پەنجا.. سی.. نە، بوەستە مامۆستا، بە بزنە شێتەکەوە چل و چوار.. یان چل و پێنج. شێتانەتر پرسی: چل و چوار.. یان چل و پێنج؟ شپرزەتر و داماوتر وتم: چل و ھین.. چل ھین.. ! تفێکی لێ کردم، ویستم بیسڕمەوە.. چل و گۆڕی باوکت.. نەکەی.. ئەو تفە نەسڕیتەوە.. حەیوان.. ئەو بزنە شێتە بۆ جیا دەکەیتەوە؟ شەپازللەیەکی لەناکاوی سرەواندە ناو دەمم و بۆکسێکی خێواندە پشتی سەرم کە وەھا توند بوو، پۆلەکەی لەبەر چاو تاریک کردم.. لە ترسانا.. بەپەلە و بە درۆ وتم: چل و پێنج.
سەرچاوەکان
This article uses material from the Wikipedia Soranî / کوردی article تەمی سەر خەرەند, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.