وەرمەز، ورمز، ھورموز یان ئەھورامەزدا (بە ئەوێستایی: 𐬨𐬀𐬰𐬛𐬁 𐬀𐬵𐬎𐬭𐬀) خوای ئایینی زەردەشتییە.
ئەھورا بە واتای سەرۆک و مەزدا بە واتای داناییە. لەدیدی زەردەشتییەکان ئەھورامەزدا خوایە و ئەوەی ھەردەم دژی دەوەستێت، ئەھریمەنە. واتە شەیتان کە ئیشی خراپە و شەڕە، ئەھورامەزدا خوای ڕووناکییە و دووژمنی تاریکییە. ھێنەری بەخت و خۆشی و شادییە و ھەموو ڕەوشتە باشەکانە، بە پێچەوانەی ئەھریمەن کە شەیتانە مایەی تاریکی و دەرد و ناخۆشییە. ئایینی زەردەشتی ئایینێکە داوای کاری چاکە و ڕەوشتی باش و یارمەتی نێوان بونەوەری مرۆڤ دەکات. ئاگر و ڕۆژ ھێمای ئەھورامەزدان، بۆیە لای ئەوان ئاگر زۆر پیرۆزە و ھەمیشە زەردەشتییەکان لەوە ئاگادار دەکرێنەوە کە ئاگر لە پەرستگاکان نەکوژێتەوە. ھەر ئەمەشە کە وای لە ئایینەکانی تر کردوە کە وا بزانن زەردەشتییەکان ئاگر پەرستن.
لە کەڵتووری مێژوویی کورد دا بە ئەھورامەزدا وەرمەز وتراوە. یەکێک لە ھۆزە کوردەکانی ناوچەی کرماشان ناوی وەرمەزیارە کە بە واتای پەیرەوی ئەھورامەزدایە. لە پەرتووکی سەرەنجام لە کەلامی دەورەی بەھلوولدا، بابا نجووم ناو لە وەرمەز دەھێنێت و دەڵێت:
زروان بیانێ، زروان بیانێ
نە دەورەی وەرین زروان بیانی
ئەھری و وەرمەز یاران دیانی
کاڵای خاس یار ئەو دەم شیانێ
ئەم «ئایین» وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
کۆمنزی ویکیمیدیا، میدیای پەیوەندیدار بە وەرمەز تێدایە. |
This article uses material from the Wikipedia Soranî / کوردی article وەرمەز, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.