فیلمی ٢٠٠٩ ئەڤەتار
ئەڤەتار فیلمێکی خەیاڵی زانستی ئەمریکییە، دەرھێنانی ساڵی ٢٠٠٩ی جەیمز کامێرۆنە.
چیرۆکی ئەم فیلمە دەچێ بۆ ساڵی ٢١٥٤ لە داھاتوودا، ئەم فیلمە ٢٣٧ ملیۆن دۆلاری تێچووە، و لە نوێترین تەکنیکەکانی فیلمسازکردن کەڵکی لێ وەرگیراوە، کامێراکانی ئەم فیلمە بەتایبەتی دروستکراون، و بە شێوەکانی ٢ ڕەھەندی و ٣ ڕەھەندی بۆ بینین ئامادەکراوە. چیرۆکی ئاڤاتار لە ساڵی ١٩٩٤ دەستی پێکرد، کاتێک جەیمز کامیرۆن ٨٠ پەڕەی لە فیلمەکە نووسی. بڕیار وابوو وێنەگرتنی فیلمەکە لە ساڵی ١٩٩٧ دەست پێ بکات لەدوای تەواوبوونی فیلمی تایتانیک و لە ساڵی ۱۹۹٨ بڵاوبکرێتەوە، بەڵام ئەو کاتە تەکنەلۆژیا ھێندە پێشکەوتوو نەبووە کە لە ئاست بەرھەمھێنانی دیمەنەکانی ئەو فیلمە بێت. فیلمەکە لە لەندەن لە ١٠ی کانوونی یەکەمی ٢٠٠٩ پەخش کرا، و لە ١٦ی کانوونی دووەمیش لە ھەموو جیھان و ١٨ی ھەمان مانگیش لە ویلایەتە یەکگرتووەکان پەخش کرا، فیلمەکە چەند تۆمارێکی بۆکس ئۆفیسی شکاند و بووە پڕداھاتترین فیلمی مێژوو لە ئەمریکا و ھەموو جیھان، پێش تایتانیک کەوت کە بۆ ماوەی ١٢ ساڵی ڕابردوو پڕداھاتترین فیلم بوو. بەشێوەیەکی ڕەسمیش ئێستا وا کار لەسەر بەشی ٢، ٣، ٤ دەکرێ و پێشبینی دەکرێ داھاتێکی خەیاڵی تۆماربکات. سەرەرای بەناوبانگی فیلمەکە دوای دوو ھەفتە لە پەخشکردنی لە وڵاتی چین، فیلمەکە قەدەغەکرا بە بیانووی ئەوەی کە فیلمەکە خەڵک لە دژی حکومەتی وڵاتەکە ھان دەدات تاکو خۆپیشاندان بکەن.
| Avatar ئەڤەتار | |
 | |
| دەرھێنەر | جەیمز کامیرۆن |
|---|---|
| بەرھەمھێنەر | جەیمز کامیرۆن جۆن لاندۆ |
| نووسین | جەیمز کامیرۆن |
| کاست | سام وۆرسینگتن زۆو سالدانا ستێفان لانگ میشێڵ ڕۆدریگوێز سیگۆرنی ویڤەر جیۆڤانی ڕیبسی جۆل دەیڤد موور س. س. ھ. پۆندەر وێز ستودی لاز ئەلۆنسۆ |
| مۆسیقا | جەیمز ھۆرنەر |
| دەستکاری | جەیمز کامیرۆن جۆن ڕیفوا ستێفان ئـ. ڕیڤکین |
| ستۆدیۆ(کان) | ڵایت ئینتەرتەیمێنت هاوبەشانی فیلمی ئینجینەس |
| کۆمپانیای بڵاوکەرەوە | فۆکسی سەدەی ٢٠ـەم |
| ڕێکەوتی دەرچوون | ١٠ی کانوونی یەکەمی ٢٠٠٩لەندەن ١٨ی کانوونی یەکەمی ٢٠٠٩ویلایەتە یەکگرتووەکان |
| ماوەی فیلم | ١٦٢ خولەک |
| وڵات |  ویلایەتە یەکگرتووەکان |
| زمان | ئینگلیزی |
| تێچوون | ٢٣٧ میلیۆن دۆلار |
| داھات | $٢٬٧٨٨ میلیارد دۆلار |
سەرچاوەکان
- بەشداربووانی ویکیپیدیا، «Avatar»، ویکیپیدیای ئینگلیزی. سەردان لە ١٤ی ئەیلوولی ٢٠٢٠.
بەستەرە دەرەکییەکان
- ماڵپەڕی فەرمی ١١ی کانوونی یەکەمی ٢٠٠٩ لە وەیبەک مەشین، ئەرشیڤ کراوە.
- ئاڤاتار لە ماڵپەڕی IMDB
دەروازەی فیلم
دەروازەی ویلایەتە یەکگرتووەکانی ئەمریکا
دەروازەی دەیەی ٢٠٠٠
دەروازەی ھۆڵیوود
دەروازەی خەیاڵی زانستی
| کۆمنزی ویکیمیدیا، میدیای پەیوەندیدار بە ئەڤەتار (فیلمی ٢٠٠٩) تێدایە. |
This article uses material from the Wikipedia Soranî / کوردی article ئەڤەتار (فیلمی ٢٠٠٩), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.