ئەستێورکردن
ئەستێورکردن (بە ئینگلیزی: Sterilization) بریتییە لە ڕیشەکێشکردن و بنەبڕکردنی میکرۆب و ڤایرۆسەکان و پاشەڕۆکانیان لەسەر تەن یان ڕوویەکی زیندوو کەمەبەستی کوشتن و لەناوبردنی ھەموو بەکتریا و ڤایرۆسێکی زیانبەخشە کە بەشێوەی مشەخۆری لەسەر زیندەخانەکان دەژین، بەتایبەت ئەم بەکتریا و ڤایرۆسانەی لەسەر پێست یان ئامرازە جۆربەجۆرەکان دەژین.
ئەستێورکردنی گەرمی
هەڵماندن=== ئەستێورکردن بە بەکارهێنانی پەستانی بەرز و هەڵماندن ، بە بڵاوترین و ڕێگاکانی خاوێنکردن و بژوێنکردنی گەرمی دادەنرێت ئەمیش بەهۆی ئامێرێکەوەیە کە پێی دەڵێن (ئەستێورکەر)یان زۆرجاران هەر بە ئامێری هەڵمی دەناسرێت،ئامێرەکە هەڵمێکی گەرم بە پلەی ١٢١-١٣٤ سلیلیزی بە پەستانێکی بەرز (١٠٠ کیلۆباسکاڵ)کاردەخاتە سەر ئامراز و ئەو دەفرانەی کە تێیخراون بۆ ئەستێورکاری کە بۆماوەی بیست خولەک کەلوپەلەکان لەناو ئامێرەکە دەمێنێتەوە.کە لەم ماوەیە سەرجەم بەکتریاکان لەناو دەبات .لە دوای کرداری گەرمی کردنەکە بە هەڵماندن ئەوە دەبێت کەلوپەلە ئەستێور کراوەکان سارد بکرێنەوە.ئەم ئامێرە ئەستێورکارە لە توانای دا هەیە کە سەرجەم بەکتریا و میکرۆب و هەندێک لە ڤایرۆسەکان لەناو ببات بەڵام لە توانای دانیە کەوا پریۆناتەکان لە ناو ببات ئەگەر مەبەست بوو کەوا پێویستە پریۆناتەکانیش لەناو ببات ئەوە پێویستە بۆ ماوەی ٦٠ خولەک ئامێرەکە ئیش بکات بە پلەی هەرمی ١٢١-١٣٤ سلیلیزی،
گەرمای وشک
ئەستێورکردن بە بەکارهێنانی هەوای وشک یاخود گەرمی وشک کاتێکی زۆرتری دەوێت لەچاو ڕێگای هەڵماندن .لەناوبردن و پاقژکردنەوەی ئامرازەکان بەم ڕێگایە زۆر یەکلاکەرەوە نیە چونکە گەرمیەکی زۆر لەلایەن تەنە ئەستێورکراوەکە هەڵدەمژرێت بەمەش دەبێتە هۆی تێچوونی کاتی زیاتر،ئامێرەکە پێویستی بە دوو کاتژمێر هەیە لەگەڵ پلەی گەرمی ١٦٠ سلیلیزی ،ئەم ئەستێورکاریە تاکە ڕێگای پاککردنەوەی ماددە تۆزیەکانە وەک ئەستێورکردنی پاودەر و ئارد و هەر ماددەیەکی تری تۆزاوی.
گەرمای ئاگر
ئەستێورکردن بە بەکارهێنانی ئاگرزیاتر لە تاقیگەکانی زیندەزانی بەکاردێت بۆ ئەم ئامراز و ئامێرانەی لە تاقیگەکە بەکارهاتوون ئەمەش بەمەبەستی ڕێگری لە بڵاوبوونەوەی نەخۆشی و دزەکردنی پەتا لە تاقیگەکان
بنەبڕکردن
کرداری بنەبڕکردن و لەناوبردنی کەلوپەلە پیسەکان بە ڕێگایەکی ئەستێورکردن دادەنرێت ،کەلوپەلەکان دەخرێنە ناو فرنێکەوە کە وا دەیانگۆڕێت بۆ خۆڵەمێش بەمەش هیچ شوێنەوارێکی لێ نامینێتەوە بە میکرۆبەوە .
تینداڵکردن
کرداری ئەستێورکردن بە تینداڵ بریتیە لە خستنە ناوی هەندێک ئامێر بۆ ناو دەفری ئاوی گەرم بۆ ماوەی زیاتر لە بیست خولەک دواتر خستنە ناو بەفرگر تا پلەی بەستن ئەم ڕێگایە بۆیە گرنگە چونکە نابێتە هۆی لەناوبردنی بەکتریا سوودبەخشەکان بۆیە ئەم ناوەی لێنراوە چونکە بەناو تینداڵ زانای بواری بەکتریاناسی کراوە.
سەرچاوەکان
- بەشداربووانی ویکیپیدیا، «تعقيم (أحياء دقيقة)»، ویکیپیدیای عەرەبی. سەردان لە ٢٩ی ئازاری ٢٠٢٠.
 | ئەم وتارە کۆلکەیەکە. دەتوانیت بە فراوانکردنی یارمەتیی ویکیپیدیا بدەیت. |
| کۆمنزی ویکیمیدیا، میدیای پەیوەندیدار بە ئەستێورکردن تێدایە. |
This article uses material from the Wikipedia Soranî / کوردی article ئەستێورکردن, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.