ئیسرا و میعراج دوو ڕووداون کە مسوڵمانان پێیان وایە لە یەک شەودا بە سەر محەممەد پێغەمبەری ئیسلامدا ھاتوون و تێیدا محەممەد لە مەککەوە ڕۆشتوە بۆ قودس و لەوێوە بۆ ئاسمانەکان.
ئیسرا بریتیە لە سەفەری مەعنەویی شەوانەی پێغەمبەری ئیسلام لە مەککەوە بۆ قودس. ئەم گوێزانەوەیە لە قورئاندا لە سوورەتی ئیسرادا باسی لێ کراوە. بەشێک دەقی ئایەتەکە بە کوردی ئەمەیە. پاک و بێسووچە ئەو کەسەی کە بەندەکەی خۆی بە ئەسرا لە شەودا لە مزگەوتی حەرامەوە برد بۆ مزگەوتی ئەقسا، کە دەورەکەیمان پیرۆز کردوە، تا ھێندێک لە نیشانەکانی خۆمانی پێ پیشان بدەین.
میعراج بریتییە لە بەرزەوە بوونی محەممەد بەرەو ئاسمانەکان لەگەڵ جبرەییلدا. محەممەد لەم سەفەرەدا لەگەڵ خودادا قسەی کرد و چاوی بە کۆمەڵێک لە پێغەمبەران و فریشتەکان کەوت. باسی میعراج لە قورئاندا نەھاتوە و لە حەدیسەوە وەرگیراوە.
مەولەوی لە عەقیدەی مەرزییەدا بەم جۆرە باس لە میعراج دەکا:
ڕێی چەن هەزار ساڵ، تەی چەن حیجابات
زاتی حەق، کەلام، سوئال جەوابات
چوو، بوو، دی، بیستی، کریا، دریاوە
ھاتەوە حەڵقە ھەر دەلەریاوە
مەحوی دەڵێ:
شەو، شەوی میعراجی شاھی ئەنبیا بێ وا دەبێ
بیپەرستێ، بەڵکوو سوجدەی بۆ ببا ھەر ئانە ڕۆژ
کۆمنزی ویکیمیدیا، میدیای پەیوەندیدار بە ئیسرا و میعراج تێدایە. |
This article uses material from the Wikipedia Soranî / کوردی article ئیسرا و میعراج, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ناوەرۆک لەبەردەستە لەژێر CC BY-SA 4.0دا، مەگەر پێچەوانەی وترابێ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Soranî / کوردی (DUHOCTRUNGQUOC.VN) is an independent company and has no affiliation with Wiki Foundation.