ئارۆن ڕامسدەیڵ

ئارۆن ڕامسدەیڵ

ئەزموونی گەنجی
	مارش تاون
	بۆڵتۆن واندەرس
٢٠١٣–٢٠١٦	ئەکادیمیای شیفیڵد یونایتد
ئەزموونی پڕۆفیشناڵ*
ساڵەکان	یانەکان	یاری†	(گۆڵ)†
٢٠١٦–٢٠١٧	شیفیڵد یونایتد	٠	(٠)
٢٠١٧–٢٠٢٠	بۆرنمۆس	٣٧	(٠)
٢٠١٨	چێستەرفیڵد (خواستن)	١٩	(٠)
٢٠١٩	ویمبڵدۆن (خواستن)	٢٠	(٠)
٢٠٢٠–٢٠٢١	شیفیڵد یونایتد	٤٠	(٠)
٢٠٢١-	ئەرسیناڵ	٣٦	(٠)
هەڵبژاردەی نیشتمانی‡
٢٠١٦	ھەڵبژاردەی تۆپی پێی ئینگلتەرای خوار ١٨ ساڵان	٢	(٠)
٢٠١٦–٢٠١٧	ھەڵبژاردەی تۆپی پێی ئینگلتەرای خوار ١٩ ساڵان	١٢	(٠)
٢٠١٧–٢٠١٨	ھەڵبژاردەی تۆپی پێی ئینگلتەرای خوار ٢٠ ساڵان	٥	(٠)
٢٠١٨–٢٠٢١	ھەڵبژاردەی تۆپی پێی ئینگلتەرای خوار ٢١ ساڵان	١٥	(٠)
٢٠٢١-	ھەڵبژاردەی تۆپی پێی ئینگلتەرا	٣	(٠)
خەڵاتەکان Men's football Representing  ئینگلتەرا UEFA European Under-19 Championship براوە 2017 U-19 Team UEFA European Championship دووەم 2020
ئەزموونی پڕۆفیشناڵی تەنیا یاری و گۆڵەکانی خوولی ناوخۆ هەژمارکراوە. and correct as of ١٢ ئابی ٢٠٢٢. † یاری (گۆڵ). ‡ National team caps and goals correct as of ١٤ حوزەیرانی ٢٠٢٢

ڕامسدەیڵ دەستی بە کاروانی پیشەیی یانە کرد بە یاریکردن بۆ شێفیڵد یونایتد و لە ساڵی ٢٠١٧ گرێبەستی لەگەڵ یانەی بۆرنمۆس واژوو کرد. دوای ماوەکانی خواستن لە چێستەرفیڵد و ئەی ئێف سی ویمبڵدۆن، ڕامسدەیڵ وەرزێک لەگەڵ بۆرنمۆس یاریکرد و گەڕایەوە بۆ شێفیڵد یونایتد بە بڕی ١٨ ملیۆن پاوەند. لە ساڵی ٢٠٢١، ڕامسدەیڵ گرێبەستی لەگەڵ ئەرسیناڵ واژوو کرد لە گواستنەوەیەکی ڕیکۆردا بەھای ٣٠ ملیۆن پاوەند بە بۆنسەکانەوە، کە بوو بە گرانترین گۆڵپارێزی یانەکە.

ڕامسدەیڵ نوێنەرایەتی ئینگلتەرای کردووە لە ھەموو ئاستەکانی خوار ١٨ ساڵەوە تا پێکھاتەی یەکەم، و لە ساڵی ٢٠١٧دا پاڵەوانێتی ئەورووپی خوار ١٩ ساڵانی ئەورووپای بردەوە، و ھەروەھا بەشێک بوو لەو پێکھاتەیەی ئینگلتەرا کە دووەم بوون لە یۆرۆ ٢٠٢٠.

ڕامسدەیڵ لە ستۆک-ئۆن-تڕێنت لەدایکبووە و لە گوندی ھاوسێیان لە چێستەرتۆن گەورە بووە. ڕامسدەیڵ دەستی بە کاروانی پیشەگەری کرد لە یانەی نیوکاسڵ-ئەندەر-لیم لە شارۆچکەی مارش. ڕاھێنەری گۆڵپارێز فرێد باربەر بردی بۆ بۆڵتۆن واندەرز بۆ تاقیکردنەوە و لە کۆتاییدا گرێبەستیان لەگەڵدا کرد. لە ساڵی ٢٠١٤، ڕامسدەیڵ لەلایەن سێنتینێلەوە دیاری کرا وەک بەھرەی داھاتوو دوای یارمەتیدانی قوتابخانەکەی دواناوەندی سێر تۆماس بۆگی بۆ گەیشتن بە پێش کۆتایی جامی ئێف ئەی قوتابخانەکانی ئینگلتەرا.

شێفیڵد یونایتد

لە ساڵی ٢٠١٣، ڕامسدەیڵ چووە یانەی شێفیڵد یونایتد دوای ئەوەی ماوەیەکی لە تیمی لاوانی بۆڵتۆن واندەرز بەسەر برد. دوای دەرچوونی لە ئەکادیمیای لاوانی شێفیڵد یونایتد، ڕامسدەیڵ لە ئایاری ٢٠١٤ سکۆلەرشیپێکی لەگەڵ یانەکە واژوو کرد. ڕامسدەیڵ دوو جار لەسەر کورسی یەدەگ دەرکەوت لە وەرزی ٢٠١٥–١٦ بەرامبەر کۆڤێنتری سیتی و سکانتۆرپ یونایتد بەڵام بەشداری یارییەکەی نەکرد. لە ئایاری ٢٠١٦، یەکەمین گرێبەستی پیشەگەری لەگەڵ یانەکە واژوو کرد.

ڕامسدەیڵ یەکەم یاری پیشەگەری خۆی ئەنجامدا لە بردنەوەی ٦–٠ لە یاریگای خۆیان بەرامبەر لەیتۆن ئۆریێنت لە جامی ئێف ئەی، لە یارییەکەدا گۆڵەکەی بە خاوێنی مایەوە. ئەو ھەروەھا یارییەکی دیکەی ئەنجامدا لە جامی ئێف ئەی بەرامبەر بۆڵتۆن واندەرز بەڵام ٣–٢ دۆڕان.

 

بۆرنمۆس

لە ٣١ی کانوونی دووەمی ٢٠١٧، گرێبەستی لەگەڵ یانەی بۆرنمۆس واژوو کرد بە بڕە پارەیەکی ئاماژە پێنەکراو کە چاوەڕوان دەکرێت لە ناوچەی ٨٠٠٬٠٠٠ پاوەند بێت. بەڵام دواتر لە ڕاپۆرتەکاندا ئاماژە بەوە دەکرا کە بڕی ١ ملیۆن پاوەند بووە. ڕامسدەیڵ لە یاری کۆتایی وەرزی ٢٠١٦–١٧ لەسەر کورسی یەدەگ بوو بەرامبەر لیستەر سیتی بوو.

ڕامسدەیڵ یەکەمین یاری خۆی لە یانەی پریمەرلیگ و یەکەمین یاریی خۆی بۆ بۆرنمۆس ئەنجامدا لە ڕۆژی یەکەمی وەرزی ٢٠١٩–٢٠، لە یارییەکدا کە ١–١ بەرامبەر بوون بەرامبەر تیمی پێشووی شێفیڵد یونایتد. ڕامسدەیڵ جێگای خۆی وەک گۆڵپارێزی سەرەکی لە وەرزی ٢٠١٩–٢٠ قایم کرد، ھەموو یارییەکانی پریمەرلیگ سەرەکی بوو تا ١٢ی کانوونی دووەم، کاتێک بەشداری یاری نەکرد بەرامبەر وەتفۆرد بەھۆی پێکان. گەڕایەوە بۆ پێکھاتەکە لە یاری داھاتووی پریمەرلیگ، لە دۆڕاندنیان ١–٠ بەرامبەر نۆرویچ سیتی.

لە تشرینی یەکەمی ٢٠١٩ گرێبەستێکی نوێ و درێژخایەنی لەگەڵ یانەکە واژوو کرد. لە ھەمان مانگدا، ڕامسدەیڵ خەڵاتی باشترین یاریزانی مانگی بۆ تشرینی یەکەم بردەوە، لە یارییەکانی بەرامبەر نۆرویچ سیتی و واتفۆردا پارێزگاری لە گۆڵەکەی کرد. ئاستە بەرزەکەی لە چەند مانگی دواتردا بەردەوام بوو، کاتێک جارێکی تر خەڵاتی باشترین یاریزانی مانگی وەرگرت لە کانوونی دووەمدا بۆ زنجیرەیەکی تر لە ئاستی نایاب، لەوانە باشترین یاریزانی یاری بەرامبەر برایتۆن و ھۆڤ ئەلبیۆن. لە ١٠ی ئابدا، ڕامسدەیڵ بە باشترین یاریزانی ساڵ دانرا لەلایەن لایەنگرانی یانەکە.

خواستنەکان بۆ چێستەرفیڵد و ویمبڵدۆن

لە پەنجەرەی گواستنەوەی کانوونی دووەمی ٢٠١٨، ڕامسدەیڵ بە خواستن درا بە چێستەرفیڵد بۆ تەواوی وەرزی ٢٠١٧–١٨. ڕامسدەیڵ یەکەمین یاری خۆی لە چێستەرفیڵد ئەنجامدا بەرامبەر ئەکرینگتۆن ستانلی لە ٦ی کانوونی دووەمی ٢٠١٨، بەڵام گۆڵێکی بە ھەڵە لە خۆیان تۆمارکرد دوای ئەوەی «ڕێگەی دا بە ھێرشێکی جاکسۆن کە بچێتە تۆڕی گۆڵەکەی» لە دۆڕانی ٤–٠. دوای ھەفتەیەک، بەرامبەر لووتۆن تاون، لە بردنەوەی ٢–٠ دا، گۆڵەکەی بە خاوێنی ھێشتەوە. لە وەرزی ٢٠١٧–١٨، ڕامسدەیڵ بە گشتی ١٩ یاری بۆ یانەکە ئەنجامدا لە خولی پلە دوو، بەڵام لە کۆتاییدا نەیتوانی یارمەتی یانەکە بدات بۆ ڕێگریکردن لە دابەزینی یانەکە بۆ خولی نیشتیمانی.

لە ٤ی کانوونی دووەمی ٢٠١٩، ڕامسدەیڵ چووە یانەی ویمبڵدۆن بە خواستن تا کۆتایی وەرزی ٢٠١٨–١٩. ڕۆژی دواتر، ڕامسدەیڵ یەکەمین یاری خۆی بۆ دۆنس ئەنجامدا لە بردنەوە لە قۆناغی سێیەمی جامی ئێف ئەی ٣–٢ بەرامبەر فلیتود تاون لە یاریگای ھایبێری. یەکەمین یاریی لە خولدا دوای ھەفتەیەک بوو لە یارییەکدا کە ١–١ بوون لەگەڵ کۆڤێنتری سیتی لە ڕیکۆ ئارینا. یارمەتی یانەکەی دا لە بردنەوە لە یانەی وێست ھام لە جامی ئێف ئەی، لە وەرزی ٢٠١٨–١٩، ڕامسدەیڵ بە گشتی ٢٠ یاری بۆ یانەکە ئەنجامدا لە خولی پلە یەک، و بەھۆیەوە خەڵاتی باشترین یاریزانی لاوی وەرزەکەی بردەوە بەھۆی ئاستە بەرزەکەی لە گۆڵدا، کاتێک ویمبڵدۆن لە خولی پلە یەک مایەوە سەرەڕای ئەوەی لە شوباتدا ١٠ خاڵ لە سەلامەتی دوور بوو.

گەڕانەوە بۆ شێفیڵد یونایتد

لە ١٩ی ئابی ٢٠٢٠، ڕامسدەیڵ گەڕایەوە بۆ شیفیڵد یونایتد، بە بڕی ١٨٫٥ ملیۆن پاوەند بە گرێبەستێک بۆ ماوەی چوار ساڵ. لە ئایاری ٢٠٢١، بە باشترین یاریزانی ساڵ و یاریزانی لاوی ساڵ دانرا بۆ شیفیڵد یونایتد دوای ئەوەی لە ھەموو وەرزەکەدا و ھەموو یارییەکان بەشدار بوو.

ئەرسیناڵ

لە ٢٠ی ئابی ٢٠٢١، ڕامسدەیڵ گرێبەستێکی درێژخایەنی لەگەڵ یانەی ئەرسیناڵ واژوو کرد. دوای پێنج ڕۆژ لە جامی کارابۆ یەکەمین یاری خۆی بۆ یانەی ئەرسیناڵ ئەنجامدا و گۆڵەکەی بە خاوێنی ھێشتەوە کاتێک ئەرسیناڵ ٦–٠ یارییەکەی بردەوە. لە ١١ی ئەیلوول یەکەمین یاری خۆی لە پریمەرلیگ ئەنجامدا و کلین شیتێکی دیکەی بەدەست ھێنا کاتێک ئەرسیناڵ لە نۆرویچ سیتی بردەوە لە یاریگای ئیمارات. دوای چەند کلین شیتێک لە خولدا، یەکەم گۆڵی لێ تۆمار کرا لە بردنەوەی ٣–١ی لە یاریگای خۆیان بەرامبەر تۆتنھام ھۆتسپێر لە دێربی باکووری لەندەن لە ٢٦ی ئەیلوولدا. لە بردنەوەی ٢–٠ لە دەرەوەی یاریگای خۆیان بەرامبەر لیستەر سیتی لە ٣٠ی تشرینی یەکەم، زۆر ستایش کرا بۆ یەکێک لە تۆپ گەڕاندنەوەکانی و ئاستی گشتی لەلایەن پسپۆڕان لە ناویاندا گۆڵپارێزەکەی پێشووی مانچستەر یونایتد پیتەر شمایکڵ، کە گەڕاندنەوەکەی بەرامبەر لێدانە ڕاستەوخۆکەی جەیمس مەدیسۆن بە "باشترین گەڕاندنەوە کە من بینیومە بۆ چەندین ساڵ" وەسف کرد. لە تشرینی دووەمی ٢٠٢١، دوای زنجیرەیەک لە ئاستی سەرنجڕاکێش، ڕامسدەیڵ یەکێک بوو لەو ھەشت یاریزانەی کە پاڵێورا بوون بۆ خەڵاتی باشترین یاریزانی مانگی تشرینی یەکەمی پریمەرلیگ، ھەرچەندە لە کۆتاییدا خەڵاتەکە درا بە محەممەد سەڵاحی لیڤەرپوول. ھەروەھا بە یاریزانی مانگی ئەرسیناڵ بۆ تشرینی یەکەمی ٢٠٢١ دانرا، بە ٦٠٪ی دەنگەکان لە لایەنگرانی یانەکە. لە تشرینی دووەمدا دووبارە خەڵاتەکەی بردەوە بە ٤٢٪ی دەنگەکان.

لاوان

ڕامسدەیڵ بەشداری ئاستە جیاوازەکانی ئینگلتەرای کردووە لە ئاستی خوار ١٨ ساڵ، خوار ١٩ ساڵ، خوار ٢٠ ساڵ و خوار ٢١ ساڵ.

لە ئازاری ٢٠١٦ بۆ یەکەم جار لەلایەن ئینگلتەرای خوار تەمەن ١٨ بانگھێشت کرا و یەکەمین یاری خۆی بۆ تیمەکە ئەنجامدا لە بردنەوەی ٤–١ بەرامبەر کۆماری ئیرلەندای خوار تەمەن ١٨ ساڵ لە ٢٧ی ئازاری ٢٠١٦. دواتر دوو یاری تری بۆ تیمی ئینگلتەرای خوار تەمەن ١٨ ئەنجامدا.

لە ئابی ٢٠١٦، ڕامسدەیڵ بانگھێشت کرا لەلایەن ئینگلتەرای خوار ١٩ ساڵان، کە یەکەمین یاری خۆی لە ٤ی ئەیلوولی ٢٠١٦ ئەنجامدا، لە بردنەوەی لە دۆڕاندنی ١–٠ بەرامبەر بەلجیکا خوار ١٩ ساڵان. ڕامسدەیڵ ھەر پێنج یارییەکەی بۆ تیمی خوار ١٩ ساڵانی ئینگلتەرا بە شێوەی سەرەکی دەستپێکرد کە دواتر پاڵەوانێتی ئەورووپی خوار ١٩ ساڵانیان بردەوە لە ساڵی ٢٠١٧ و سێ یاری لە پێنج یاری دا گۆڵی لێ تۆمار نەکرا.

دوای بردنەوەی جامی ئەورووپی خوار تەمەن ١٩ ساڵانی یەکێتی ئەورووپا، ڕامسدەیڵ لە ئابی ٢٠١٧ لەلایەن ئینگلتەرا خوار تەمەن ٢٠ ساڵان بانگھێشت کرا، کە لەوێ یەکەمین یاری خۆی لە ٤ی ئەیلوولی ٢٠١٧ ئەنجامدا، لە یارییەکدا کە ٠–٠ بەرامبەر بوون لەگەڵ سویسرای خوار ٢٠ ساڵان.

لە ١٨ی ئایاری ٢٠١٨، ڕامسدەیڵ بۆ یەکەم جار بانگکرا بۆ ئینگلتەرا خوار ٢١ ساڵان لەلایەن ڕاھێنەری یانەکە ئیدی بووسرۆید، بۆ پاڵەوانێتی تۆلۆن. ڕامسدەیڵ یەکەم یاری خۆی بۆ تیمی ئینگلتەرای خوار تەمەن ٢١ ساڵان ئەنجامدا لە ١ی حوزەیرانی ٢٠١٨، کە تەواوی ٩٠ خولەک یاری کرد لە بردنەوەی ٤–٠ بەرامبەر قەتەر. ڕامسدەیڵ گۆڵپارێزی یەکەمی ھەڵبژاردەکەی بوو لە کاتی پاڵەوانێتی ئەورووپی خوار ٢١ ساڵانی ٢٠٢١ و ھەروەھا ھەر سێ یارییەکەی بۆ ئینگلتەرا بە شێوەی سەرەکی دەست پێکرد و لە قۆناغی کۆمەڵەکان ماڵاواییان کرد.

پێکھاتەی یەکەم

لە ٢٥ی ئایاری ٢٠٢١، ڕامسدەیڵ بانگھێشت کرا وەک بەشێک لە تیمی سەرەتایی ٣٣ کەسی گاریس ساوگایت بۆ یۆرۆی ٢٠٢٠ی دواخراو.لە کۆتاییدا بەشێک نەبوو لە پێکھاتەی ٢٦ کەسی، کە گۆڵپارێزەکان دین ھێندەرسۆن، سام جۆنستۆن و جۆردان پیکفۆرد دیاریکران وەک پێکھاتە، بەڵام دوای یەک یاری بانگھێشت کرا دوای ئەوەی ھێندەرسۆن بەھۆی پێکانەوە کشایەوە. ڕامسدەیڵ یەکەمین یاری خۆی بۆ پێکھاتەی یەکەم ئەنجامدا لە بردنەوەی ١٠–٠ لە دەرەوەی یاریگای خۆیان بەرامبەر سان مارینۆ لە پاڵاوتنەکانی جامی جیھانی ٢٠٢٢ لە ٥ تشرینی دووەمی ٢٠٢١

ڕامسدەیڵ بەشدار بوو لە زنجیرە درامای وەرزشی تایبەت بە ئەمەزۆن بە ناوی: ھەمووی یان ھیچ: ئەرسیناڵ، کە دۆکومێنتارییەک بوو لەسەر یانەکە لەگەڵ بەسەربردنی کات لەگەڵ ڕاھێنەران و یاریزانان لە ھەردوو یاریگا و دەرەوەی یاریگا بەدرێژایی وەرزی ٢٠٢١–٢٢.

ڕامسدەیڵ ھاندەری یانەی وێست برۆمیچ ئەلبیۆنە، و ئاماژەی بە سەرسووڕمانی خۆی بۆ گۆڵپارێزە کۆنەکەیان بێن فۆستەر دەربڕی کاتێک لە ساڵی ٢٠١٩ لە دژی یاری کرد.

یانە

ھەتا ١٣ ئابی ٢٠٢٢

نێودەوڵەتی

ھەتا ١٤ حوزەیرانی ٢٠٢٢

ئینگلتەرا خوار ١٩ ساڵان

• پاڵەوانێتی ئەورووپا بۆ خوار ١٩ ساڵان: ٢٠١٧

ئینگلتەرا خوار ٢١ ساڵان

• پاڵەوانێتی تۆلۆن: ٢٠١٨

ئینگلتەرا

• دووەم لە پاڵەوانێتی ئەورووپا: ٢٠٢٠

تاکەکەسی

• باشترین یاریزانی ساڵی بۆرنمۆس بە دەنگی ھاندەران: ٢٠١٩–٢٠
• باشترین یاریزانی ساڵی شێفیڵد یونایتد: ٢٠٢٠–٢١
• باشترین یاریزانی لاوی ساڵی شێفیڵد یونایتد: ٢٠٢٠–٢١

•  دەروازەی ژیاننامە
•  دەروازەی وەرزش
•  دەروازەی تۆپی پێ