ᎠᏆᏛᏏᏗᏒ ᎡᏥ ᏓᏫᏍᎬ ᏎᎷ ᎤᏂᏥ ᎤᏂᎦᏔ.
ᏥᏍᏕᎵᏍᎬ ᏓᏫᏍᎬ ᎤᏂᎦᏔ. (Ꮭ ᎢᎾᎢᎦᏘ ᏱᎩ ᎡᏥ, ᏍᏗᎩᏓ ᎤᏇᏓᏟ, ᏝᏍᎩᏂ ᎦᎵᏦᎯᏓ ᏱᎩ! ᏍᏆᎳ ᎤᎵᏥᏍᏆᏁᏓ ᎬᎿᎨᎢ ᎤᏍᏘᎩ. ᏗᎩᏳᏍᎨᏂ ᎢᏗᎦᏅᎯᏓ ᏙᎧᏯᏓ, ᎡᎳᏗᎮᎯᏃ ᎤᏌᏃ ᏗᎧᏂᎨᏂ ᎡᎳᏗᏜ ᎢᎦᏅᎯᏓ. ᎠᎨᏳᏣ ᏗᎩᏳᏍᎨᏂ ᎢᏗᎦᏅᎯᏓ ᏙᎧᏯᏓ, ᎡᎳᏗᎮᎯᏃ ᎤᏌᏃᎲ ᏍᏗ ᎦᏅᎯ ᏏᏅ ᎡᏥ ᎨᏒᎢ. ᎡᏥ ᎦᏅᏬ ᎾᎥ ᎢᎦᏘ, 7 ᎠᎴ 8 ᏳᏕᏘᏴᏓ. ᎬᎿᎨᎢ ᎤᏍᏘᎩ ᎦᏥᏃᏍᏓ ᎦᏅᏬ ᎢᎦᏅᎯᏓ, ᎠᎬᏱᏗᏜ ᎠᎦᎵᏓ. ᎡᏥ ᏭᏏᎷᎦ, ᎠᎨᏳᏣ ᎠᎵᏍᏕᎵᎭ. ᎤᏂᎦᏔ ᏕᎦᏝ ᏕᎦᏟᏗ.) ᎡᎵ ᏗᎦᏕᏍᏗᏴ ᎢᏗᏁᏓ ᎤᎾᏛᏎ. ᏙᎩᎾᏕᏎᎢ, ᏙᏱᏂᎧᏲᏔᏅᏃ ᏒᎾᏙᏓᏆᏍᏗ ᎢᎪᎯᏓ. ᎧᏁᏌᎢ ᏙᎩᏂᏢᏔᏅ ᎤᏂᎦᏔ. (ᏎᎷ ᎤᏂᏥ ᎤᎾᏛᏒ Ꮲ 3-3 ½ ᎢᏯᎳᏏᏗ ᎢᎦᏘ ᎾᎾᎵᏍᏗᏍᎪᎢ. ᎠᎨᏳᏣ ᎤᏥᏃ ᏓᏂᏙᎦ ᏂᏓᏄᏖᏍᎬ ᏎᎷ ᎤᏂᏥ, ᏔᎷᏦ ᏓᏂᏢᏍᎦ.)
ᏴᎩ ᎠᏍᏗᏃ ᏙᎩᏅᏔᏅ ᏗᏯᏟᏗ ᏙᎩᏃᏢᏅᎢ. ᎠᎨᏳᏣ ᎤᏥᏃ ᏚᏃᏝ ᏙᏱᏗᏢ ᏓᏂᏍᏗᏆᏍᎬ ᏎᎷ ᎤᏂᏥ. ᏔᎷᏦ ᏕᎦᏝ ᏎᎷ ᎤᏂᏥ. ᏌᏊᎭ ᏎᎷ ᎤᏂᏥ ᎠᏂᎶᎯᏍᏗ ᎿᏊᎴ ᎤᎵᏑᏫᏓ ᎠᏕᎳᎠᏯᏟᏗ ᏂᏓᏅᏁᎭ. ᎠᎾᏓᏟᏏᏍᎪ ᎠᎾᏓᏎᎮᎲ ᏯᏛᏁᎵᏓᏍᏗ, ᎠᏍᎪᎸᎬ ᎦᏬᏂᎯᏍᏗ ᎠᏃᏎᎰᎢ. (ᎤᏍᏗ ᎤᏪᏴ ᎾᎥ yᏂᏍᎩᎴ ᎠᎨᏳᏣ ᎤᏥᏃ ᏓᎾᏎᎮᎲ ᎢᎬᏁᏗ ᎤᏃᏢᏗ ᏚᏯ ᎦᏚᎢ. ᏍᏈᏍᏗ ᏴᏫ ᎬᏩᎾᎬᏙᏍᏗ.) ᎠᏆᏯᏠ ᎠᏆᏤᎵ ᎠᏆᏯᏟᏗ. ᏂᎦᏓ ᏴᏫ ᎠᏂᎸᏈᏗᏍᎪᎢ. ᎤᎾᏚᎵᏍᎪ ᏗᎦᏥᏲᏢᎾᏁᏗ ᏧᎾᏯᏟᏗ. ᎣᏍᏓ ᏂᏚᏅᏃ ᎠᏂᎨᏯ ᏱᏚᎾᏯᏝ. ᎯᎸᏍᎩ ᏧᏓᎴᏅᏓ ᎢᏳᎾᏕᏘᏴᏓ ᎢᏗᎩᏓᏃ ᎠᏂᎨᏳᏣ ᏚᎾᏯᏝ ᏎᎷ ᎤᏂᏥ ᎤᎾᏤᏣᏍᏗᏃ.
This article uses material from the Wikipedia ᏣᎳᎩ article ᏎᎷ ᎤᏂᏥ ᎠᏯᏟᏗ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᏣᎳᎩ (DUHOCTRUNGQUOC.VN) is an independent company and has no affiliation with Wiki Foundation.