ᎤᏬᏕᏮ ᎠᎦᏍᎦ, ᎫᏘᏍᎬ, ᎤᏍᏗ ᎦᏃᎯᎵᏙ ᎤᏁᏐᏒ, ᎦᏁᏐᏍᎬᏃ ᎢᎦ ᏧᏓᎴᏅᏓ ᎤᏬᏕᏮ ᎨᏒᎢ.
ᏄᏗᏞᎬ, ᏄᏴᏢᏃ ᎠᏯᎥ ᎤᎶᎩᎸ ᎦᏃᎮᏍᎪ ᎢᏳᏍᏗ ᎤᏬᏕᏮ ᏂᏗᎦᎵᏍᏔᏂᏒᎢ. ᎤᏃᎴ ᎠᏯᎥ ᎤᎶᎩᎸ ᏳᏁᏌᏴᏜᏓ ᎠᎹ ᎤᏪᏍᏉᏨ ᎾᎥ ᏂᏓᏓᏗᏍᎪᎢ. ᏧᏍᏗ ᏧᏪᏍᏉᏨ ᏓᏠᎬ ᏧᏔᎾ ᏂᏕᎦᎵᏍᏗᏍᎪᎢ. ᏄᏍᏛ ᎠᏯᎥ ᎤᎶᎩᎸ ᏱᎦᏁᏍᏓᎵᎠ, ᎠᏙᏢᏍᎪ ᎤᎦᏅᏗ. ᏂᎦᏁᏍᏓᎵᏗᏍᎬᎾ ᏱᎩ Ꮎ ᏧᏪᏍᏉᏨ ᏕᎦᏁᏍᏓᎳᏗᏍᎪ ᎤᎸᏌᏗ ᎢᏳᏍᏗ ᎤᏁᏍᏓᎵ. ᎯᎢᎾ ᏧᎸᏌᏗ ᏗᏁᏍᏓᎵ ᏱᏚᏠᏌ ᎠᏙᏢᏍᎪ ᎤᏅᏥ ᎦᏃᎯᎵᏙᎲ. ᏍᏈᏍᏗ ᏱᏚᏓᏟᏌᎿ ᏓᏙᏢᏍᎪ ᎤᏂᏥ ᎦᏃᎯᎵᏙᎯ ᎦᏙᎯᏴ ᏱᏫᎪᎰᎯ.
ᎦᏁᏐᏍᎬ ᎤᏤᎵᏓ ᎨᏐ ᎤᏬᏕᏮ. ᎤᏁᏍᏓᎵ ᎦᏌᏆᎸ ᏳᎵᏍᏔᏅ ᎠᏙᏢᏍᎪ, ᎦᏁᏐᏍᎬ ᎠᏃᏎᎰ, ᏱᏭᏃᎸᏔᎾ ᎠᎦᏍᎬ ᎤᏍᏚᏟᏥᏙᎸ ᏕᎦᏁᏍᏓᎵᏗᏍᎪ ᏚᏴᏢ, ᎦᏅᎳᏗᏴᏃ ᏚᏙᏢᏒᎢ. ᎡᎳᏗᏜ ᏂᏙᎦᎵᏍᏗᏍᎪ ᏫᏗᎦᎶᏍᎬ ᎤᎶᎩᎸ, ᎤᎪᏙ ᎠᎹ ᏧᏪᏍᏉᏨ ᏫᏓᏥᏍᏗᏍᎪ ᎤᏁᏐᏒᎢ. ᎤᏝᏂᎩᏓ ᏳᏃᎸᎾ ᏓᏌᎳᏗᏍᎪ ᎤᏁᏐᏒ ᎦᏅᎳᏗᎠᎬᏘ, ᏐᎢᏃ ᎤᏟᏰᎦᎴᏫᏓ ᎠᏙᏢᏍᎪ ᎤᏁᏍᏓᎵ. ᎥᏍᎩ ᏂᎦᎵᏍᏗᏍᎪᎢ ᎢᏳᏩᎦᏗᎶᏓ. ᎦᏂᎵᏊ ᎡᎵ ᏳᏓᎨᏓ ᏱᏄᎵᏍᏔᎾ ᏥᎦᏁᏐᏍᎪᎢ.
This article uses material from the Wikipedia ᏣᎳᎩ article ᎤᏬᏕᏮ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᏣᎳᎩ (DUHOCTRUNGQUOC.VN) is an independent company and has no affiliation with Wiki Foundation.