ᎠᏥᎾ ᎠᎴ ᎠᏥᏂ ᏧᎬᎢ ᎠᎹᏰᏟ ᏮᏑᎵ.
40' 60' ᏩᏍᏗ ᎢᏂ ᎢᎦᏗ ᎬᎵᏰᏗ ᏃᎴ ᎢᏳᏓᎵᎭ ᎤᏔᏂᎨᎢ ᏮᏑᎵ. ᎠᏂᏤᎢ ᎠᏥᎾ ᏧᏆᎶᎦ ᎠᏤᎢ ᎢᏳᏍᏗ ᎤᏍᎪᎸ ᎤᏑᏫᏓ ᏗᎧᏃᏗ. ᏧᏪᏘ ᏂᏕᎦᎵᏍᏗᏍᎪᎢ ᏧᏆᎶᎦ, ᎠᏤᎢ ᎤᏑᏫᏓ ᏂᏕᎦᎵᏍᏗᏍᎪᎢ ᏃᎴ ᏄᏓᎴ ᏗᎧᏃᏗ. ᏔᎵᏁ ᏗᎪᎳ ᎤᎶᏒᏍᏗ ᎤᏆᎶᎦ ᎤᏬᏗᎨ ᏂᎦᎵᏍᏗᏍᎨᏍᏗ ᏃᎴ ᎦᎵᏬᎨᏍᏗ, ᎠᏎᏃ ᎨᏍᏗ ᏯᏍᏗᏭᎣᏍᎨᏍᏗ. ᎠᏥᎾ ᎤᏯᎷᎦ ᎩᎦᎨ-ᎤᏬᏗᎨ ᎢᏳᏍᏗ ᏗᎧᏃᏗ ᏃᎴ ᎨᏍᏗ ᎤᎭᎨᏓ ᏱᎩ. ᎯᎠ ᏧᎬᎢ ᎠᎵᏰᎲᏍᎪᎢ ᎤᎧᏲᏓ ᎡᎶᎯ ᏃᎴ ᏅᏲᎢᏍᏉ, ᎠᏎᏃ, ᎢᏳᏓᎵᎭ ᎯᎠ ᏧᎬᎢ ᎠᎹ ᎾᎥᏍᏉ ᎠᎵᏰᎲᏍᎪᎢ. ᏕᎦᎶᎨᏒ ᎠᎵᏰᎲᏍᎪᎢ ᏃᎴ ᎠᎬᏱᏁ ᏧᎬᎢ ᎾᎥᏂ ᎤᎵᏰᏗ ᎢᏳᏓᎵᎭ. ᎨᏍᏗ ᏯᎵᏰᎲᏍᎪᎢ ᎭᏫᏂᏗᏣ ᏄᏓᎴ ᏕᏧᎬᎢ ᎤᏰᏟᏛ ᏍᏈᏍᏓ ᎤᎦᎵᏒ ᎤᏂᎬᎦ ᎯᎠ ᏧᎬᎢ. ᎯᎠ ᏧᎬᎢ ᎠᏂᏴᏫ ᎠᏅᏗᎰᎢ. ᎠᏥᎾ ᎠᏓ ᎣᏍᏓ ᎠᏒᎩ ᏃᎴ ᏓᏛᏙᏩ ᎨᏍᏗ ᏯᏂᎸᏉᏗ ᎥᏍᎩᏅ ᎢᏳᏍᏗ ᏗᏄᏬ ᏗᎦᏛᏗ ᏓᏁᏍᎨᎰᎢ ᎠᏥᎾ ᎠᏓ ᎬᏗ. ᏍᏈᏍᏓ ᏄᏓᎴ ᎠᏂᏴᏫ ᎠᏥᎾ ᏓᎾᏍᏓᏲᎯᎲ ᏧᎬᎢ ᎠᏅᏗᎰᎢ. ᏍᏈᏍᏓ ᎠᏂᏥᏍᏆ ᎠᏂᎸᏉᏗ ᎤᏂᎩᏍᏗ ᎠᏥᎾ ᏧᏓᏔᏅᎯ.
This article uses material from the Wikipedia ᏣᎳᎩ article ᎠᏥᎾ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᏣᎳᎩ (DUHOCTRUNGQUOC.VN) is an independent company and has no affiliation with Wiki Foundation.