ڪارل لينيوئس
ڪارل لينيوئس(انگريزي: Carl Linnaeus ) 23 مئي 1707 ۾ پيدا ٿيو ۽ 10 جنوري 1778 ۾ وفات ڪيائين.
ھن کي معزز مقام ھجڻ ڪري ڪارل وان ليني پڻ سڏيندا هئا. (Swedish pronunciation: [ˈkɑːɭ fɔn lɪˈneː] (
ٻڌو)). پاڻ سويڊن جو مشھور ماھر نباتات ۽ ماھر حيوانات ۽ طبيب جنھن جاندارن ۽ ٻوٽن کي حياتياتي نالا ڏئي انھن جي نالن جو جديد نظام ترتيب ڏنو. جنھن ڪري کيس جديد ٽيڪسانامي جو ابو سمجھيو ويندو آھي. ھن جون اڪثر لکڻيون لاطيني ٻولي منجھ آھن ان ڪري ھن جو نالو لاطيني ۾ ڪارلوس لينوئس (1761 بعد ڪارلوس لني) سڏيو ويندو هو. ھي ڏکڻ سويڊن جي علائقي سمئيلنڊ جي ٻھراڙيءَ ۾ پئدا ٿيو. ھن پنھنجي تعليم اپسالا يونيورسٽي مان حاصل ڪئي ۽ ساڳي يونيورسٽيءَ ۾ 1730 کان ليڪچر ڏيڻ شروع ڪيا. 1735 کان 1738 تائين ملڪ کان ٻاھر نيدرلينڊز ۾ رھيو جتي ھن وڌيڪ تعليم پرائي ۽ پنھنجو جڳ مشھور ڪتاب قدرت جو نظام : (، لاطيني:Systema Naturae ) ڇپايو. پوء سوئيڊن موٽي اپسالا يونيورسٽي ۾ علم نباتات ۽ طب جو پروفيسر ٿيو. 1740 ۾ ھن سويڊن منجھ ڪيترائي سفر ڪيا جن ۾ ھن کوڙ نباتاتي ۽ حيواناتي جنسن جي سڃاڻپ ڪئي. ھي پنھنجي وفات وقت يورپ جو سڀ کان وڌيڪ مڃيل سائنسدان ھيو. فلاسافر جين جيڪس روسو کيس نياپو موڪليو ھيو تہ "کيس ٻڌائجو تہ مان ڌرتي تي ان کان وڌيڪَ ڪوبہ عظيم ماڻھو نہ ڄاتو آھي."
 ڪارل وان ليني جي آئل پينٽنگ | |
| پيدائش | 23 مئي 1707 رئشولٽ, اسٽينبرولٽ پارش، سويڊن |
| وفات | 10 جنوري 1778 (عمر 70 سال) ھئماربي ، ڊينمارڪ پارش، اپسالا جي ٻاهران، سوئيڊن. |
| مدفن | اپسالا ڪئٿيڊرل 59°51′29″N 17°38′00″E / 59.85806°N 17.63333°E |
| رھائش | سويڊن |
| قوميت | سوئيڊش |
| شھريت | سوئيڊن |
| مادر علمي | لونڊ يونيورسٽي اپسالا يونيورسٽي يونيورسٽي آف ھارڊروجڪ |
| شھرت جو ڪارڻ | بنامينل نامنڪليچر سائنسي درجابندي ٽيڪسانامي |
| جيون ساٿي | سارا ايلزبيٿ مورائيئا |
| ٻار ٻچا | 7 |
| 'سائنسي پيشو' | |
| شعبو | علم نباتات علم حياتيات علم حيوانات |
| ادارا | اپسالا يونيورسٽي |
| ٿيسز جو موضوع | وقتن سان ٿيندڙ تپ جو مفروضو (1735) |
| مشھور شاگرد | پيٽر ايسڪينيئس |
| ليکڪ جو حوالو | L. |
| ليکڪ جو حوالو | لنيئيوس |
| سڃاڻپ نشان | |
 | |
حوالا
حوالا
This article uses material from the Wikipedia سنڌي، سندھی ، सिन्ध article ڪارل لينيوئس, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). مواد CC BY-SA 4.0 ھيٺ موجود آھي جيسيتائين ٻي صورت واضع نہ ڪئي وڃي. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki سنڌي، سندھی ، सिन्ध (DUHOCTRUNGQUOC.VN) is an independent company and has no affiliation with Wiki Foundation.