Neederländesche Sprooch
De Neederländesche Sproch, kott och mä Neederländesch udder Nedderlängsch, mieschtendeels Holländesch udder Hollängsch jenannt, es en jermanische Sprooch, wat en de Nedderläng on en Belje jekallt weed.
Et es - von de Historie betrach ene Knubbel von Sproche us em ahle Frankesch odder Saal-Frankesch.
Noh de lange Zick, dat de deutsche un de nedderlängsche Sproche jetrennt wore, nämmich zigg de 1400-er Johre on noch mieh noh dä europäesche Opdeelong vom Wiener Kongress, ess et Nedderlängsch en äje Sprooch jewudde. De Dialekte en Limburch on aam deutsche Nedderrhing sen ävver su ähnlich, dat mer dodren fass jar nit merk, op welche Sigg von de Jrenz se däheem sen.
Trotzdäm ess dat Standardnedderlängsch natürlich en äje Sprooch met enem äjene Wordschatz on ener äjene Jrammatik. De Nederlandse Taalunie deet reguliere, wie et Neederlans jeschrevve on jekallt weed. Die Bestemmonge dovon jelde och en Belje.
This article uses material from the Wikipedia Ripoarisch article Neederländesche Sprooch, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Dä Täx schtäjt unger dä CC BY-SA 4.0 sulang nix söns jesaaat es. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ripoarisch (DUHOCTRUNGQUOC.VN) is an independent company and has no affiliation with Wiki Foundation.