Ni Nicole Mary Kidman, AC (nayanak idi 20 Hunio 1967) ket maysa nga Australiana nga aktres ken produser ti pelikula.
Dagiti papel a nagpadayeg kenni Kidman dagiti pelikula idi 1989 iti Dead Calm ken dagiti serye ti telebision iti Bangkok Hilton. Isu ket nagparparang kadagiti nadumaduma a pelikula kadagiti nasapa a tawen ti 1990, ken nagabalin a nabigbigan iti sanglubongan para kadagiti panangiladawanna iti pelikula ti Days of Thunder (1990), ti Far and Away (1992), ken ti Batman Forever (1995). Dagiti dadduma pay a nagballigi a pelikula ket simmaruno kadagiti naladaw a tawen ti 1990. Ti panangiladawanna iti musikal iti Moulin Rouge! (2001) ket isu ti nakagun-odanan iti maikadua a Gunguna ti Nabalitokan a Globo para iti Kalaingan nga Aktres – Musikal ti Pelikula wenno Komedia ken ti immuna a nominasionna para iti Kalaingan nga Aktres. Ti panangiladawan ni Kidman a kas ni Virginia Woolf iti drama a pelikula ti The Hours (2002) ket nakaawat iti nasayaat a pannakabigbig ken nakagun-odanna iti Kalaingan nga Aktres, ti Gunguna ti BAFTA para iti Kalaingan nga Aktres iti Pangyuna a Papel, ti Gunguna ti Nabalitokan a Globo para iti Kalaingan nga Aktres – Drama ti Pelikula ken ti Gunguna ti Piesta ti Pelikula ti Berlin para iti Kalaingan nga Aktres iti Internasional a Piesta ti Pelikula ti Berlin.
Nicole Kidman | |
---|---|
Dagiti salaysay | |
Nayanak | Nicole Mary Kidman 20 Hunio 1967 (tawen 56) Honolulu |
Trabaho | Aktor, kumakanta, produser ti pelikula, aktor ti telebision, modelo, aktor ti pelikula, aktor ti boses, diplomatiko, producer |
A(s)sawa | Tom Cruise (n. 1990; dib. ;2001) Keith Urban (n. 2006) |
Dagiti gunguna | Kalaingan nga Aktres, Theatre World Award, Companion of the Order of Australia, Golden Globe Award for Best Actress – Motion Picture Drama, Time 100 |
Website | |
http://nicolekidmanofficial.com/ |
Dagiti midia a mainaig ken ni Nicole Kidman iti Wiki Commons
This article uses material from the Wikipedia Ilokano article Nicole Kidman, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.