Ալֆրետ Հիչքոք

Ալֆրետ Հիչքոքը ծնած է 1899 թուականի Օգոստոս 13-ին Լոնտոնի մէջ։ Անոր հայրը նպարավաճառ էր։ Հիչքոքը իր ողջ կեանքի ընթացքին ոչ մէկ անգամ չէ նստած ինքնաշարժի ղեկին եւ վախցած է ոստիկաններէն։ Այդ հետեւանք էր այն բանին, որ մանուկ հասակին անոր քանի մը ժամով արգելափակած էին ոստիկանութեան առանձին խուցին մէջ։ Ան սորված է Լոնտոնի համալսարանին մէջ որպէս ճարտարագէտ, իսկ 1920 թուականէն աշխատած է շարժանկարի սթուտիոյի մէջ։ Սկիզբը ան քարթեր կը նկարէր դերասաններու անունով շարժապատկերի տիտղոսաշարի համար, յետոյ սկսաւ սենարիոներ գրել եւ աշխատիլ որպէս բեմադրիչի օգնական։ 1926 թուականէն նկարահանած է իր առաջին ֆիլմը՝ «Վարձով բնակուողը», որ Զգայացունց Տրամա էր։ Բրիտանական առաջին ձայնային ֆիլմի հեղինակը Ալֆրետ Հիչքոքն է՝ «Շանթաժ» (1929), որը ի դէպ ունեցաւ յաջողութիւն շարժանկարներու վարձոյթին մէջ։ 1926 թուականին ամուսնացած է մասնագիտութեամբ շարժանկարային մոնթաժող Ալմա Ռէվիլի հետ, որուն հետ ծանօթացած էր 1923 թուականին «Կինը կնոջը» ֆիլմի նկարահանումներուն ժամանակ։ 1928 թուականին անոնք ունեցան աղջիկ մը՝ Փաթրիսիա Հիչքոք, որ հետագային դարձաւ դերասանուհի։

Հիչքոքի բեմադրիչի ձեռագիրի առանձնայատկութիւններէն է ֆիլմին մէջ ձայնի աշխատանքը, ան կ'օգտագործէր անսպասելի ձայնային էֆեքթներ կարեւոր տեսարանները առաւել տպաւորիչ դարձնելու համար։ Նոյն նպատակին կը ծառայեցնէր նաեւ երաժշտութիւնը, որ իր ֆիլմերուն համար հիմնականին մէջ կը գրէր Պերնարտ Հերրմանը։ Հիչքոքի հերոսները հիմնականին մէջ մարդիկ էին, որոնք յայտնուած են իրադարձութիւններու թակարդին մէջ։ Ֆիլմերուն սիւժէները կարելի է բաժնել 3 հիմնական մասի։

• Սխալմամբ սպանութիւններու կասկածեալներ. որոնք սակայն սպանութեան մասնակից չեն եղած, եւ ստիպուած են վարել սեփական հետաքննութիւնը, որպէսզի ապացուցեն իրենց անմեղութիւնը («Վարձով բնակուողը», «39 աստիճաններ», «Տայվըրճընթ», «Անծանօթները շոգեկառքին մէջ», «Ես կը խոստովանիմ», «Բռնել գողին», «Ոչ այն մարդը», «Հիւսիս-արեւմուտքով դէպի հիւսիս», «Զարմանք»)
• Ճակատագրական կինը սիրեկանին կը շեղէ ճշմարտութեան ճանապարհէն, որպէս կանոն, որպէսզի մահանայ անոր հետ («Շանթաժ», «Սապոթաժ», «Ռեպէքքա», «Վատ համբաւ», «Գլխապտոյտ», «Մարնի»)
• Դասական տիթեքթիւ. հոգեկան լուրջ խանգարում ունեցող անձի կողմէն կատարուած սպանութիւն հետաքննութիւն («Կասկածանքի ստուեր», «Պարան», «Բակ նայող լուսամուտը», «Փսիքօ», «Զարմանք»)

Հիչքոքը կը սիրէր երեւնալ իր ֆիլմերուն մէջ էփիզոտիկ դերերով՝ քամէօ եւ նկարահանուած է իր վերջին շրջանի գրեթէ բոլոր ֆիլմերուն մէջ։ Իր ողջ կեանքի ընթացքին, յատկապէս վերջին տարիներուն Հիչքոքը կը սիրէր ինքզինք պարուրել խորհրդաւոր, առեղծուածային մթնոլորտով։

• Ամերիկեան բոլոր ժամանակներու 100 լաւագոյն ֆիլմերու ցանկին մէջ տեղ գտած են Ալֆրետ Հիչքոքի 5 ֆիլմ՝ «Գլխապտոյտ» (տրամա, Զգայացունց Տրամա, տեթեքտիւ, դերերուն մէջ Ճէյմս Սթիւըրտ, Քիմ Նովաք),«Փսիքօ» (Զգայացունց Տրամա, սարսափ, դերերուն մէջ Ճանէթ Լի, Էնթընի Փերքինս, Փաթրիսիա Հիչքոք) «Հիւսիս-արեւմուտքով դէպի հիւսիս» (արկածային, տիթեքթիւ, դերերուն մէջ Քէրի Կրանթ, Էւա Մարի Սէյնթ, Ճէյմս Մէյսըն) եւ «Բակ նայող լուսամուտը» (տիթեքտիւ, դերերուն մէջ Ճէյմս Սթիւըրտ, Կրէյս Քէլլի)
• 250 լաւագոյն ֆիլմեր ըստ IMDb վարկածիի ցանկին մէջ բեմադրիչներէն ամենաշատը Ալֆրետ Հիչքոքի ֆիլմերն են՝ 9 ֆիլմ, «Պարան» (գլխաւոր դերին մէջ Ճէյմս Սթիւըրտ), «Վատ համբաւ», «Բակ նայող լուսամուտը», «Պսիխօ», «Հիւսիս-արեւմուտքով դեպի հիւսիս», «Գլխապտոյտ», «Ռեպեքքա», «Անծանօթները շոքեկառքին մէջ», «Սպանութեան պարագային հաւաքէք M»
• «Ռեպեքքա» ֆիլմը (Զգայացունց Տրամա, դերերուն մէջ Լոուրընս Օլիվիէ, Ճոան Ֆոնտէյն, 1940 թուական) Օսքարի ներկայացուած է 11 անուանակարգերուն մէջ եւ ստացած է 2 Օսքար, Օսքար լաւագոյն ֆիլմի համար եւ լաւագույն օփերատոր (Ճորճ Պարնս)

Ալֆրետ Հիչքոք շարժանկարի արուեստի ամերիկեան ակադեմիոյ կողմէն 5 անգամ ներկայացուած է Օսքարի լաւագոյն բեմադրիչի համար մրցանակի՝ «Փսիքօ», «Բակ նայող լուսամուտը», «Ռեպեքքա», «Փրկարար նաւակ» (ռազմական տրամա, դերերուն մէջ Թալուլլա Պէնքհէտ, Մէրի Անտերսըն) եւ «Կախարդուածը» (տիթեքթիւ, տրամա, Զգայացունց Տրամա, դերերուն մէջ Կրէկըրի Փէք, Ինկրիտ Պերկմըն) ֆիլմերուն համար։

Ալֆրետ Հիչքոք IMDB փրոֆիլ