Claude Monet

A zamanin ayyukansa masu dogon tarihi, shine mafi shahara da kwarewa a salo zanen impressionism - wato falsafar zane ta hanyar fahimtar shi mai zanen ga wuri ko yanayi musamman zanen sarari (waje) da kuma yanayi ƙasa wato landscape. Kalmar "Impressionism" wato ra'ayin mai zane, ya samo asali ne daga zanensa mai suna Impression, Sunrise wanda aka gabatar a 1874 a wajen taron baje koli na Salon.

Claude Monet
Rayuwa
Cikakken suna	Oscar-Claude Monet
Haihuwa	Faris, 14 Nuwamba, 1840
ƙasa	Faransa
Mazauni	Giverny (en) Villa Saint-Louis (en) Argenteuil (en) Vétheuil (en)
Mutuwa	Giverny (en) , 5 Disamba 1926
Makwanci	Giverny Churchyard (en)
Yanayin mutuwa	Sababi na ainihi (Ciwon huhun daji)
Ƴan uwa
Abokiyar zama	Camille Doncieux (en)  (28 ga Yuni, 1870 -  5 Satumba 1879) Alice Hoschedé (en)  (16 ga Yuli, 1892 -  19 Mayu 1911)
Yara	view Jean Monet (en) Michel Monet (en)
Ahali	Léon Monet (en)
Karatu
Makaranta	Beaux-Arts de Paris (en) : Painting
Harsuna	Faransanci
Malamai	Marc-Charles-Gabriel Gleyre (en)
Ɗalibai	view Espérance Léon Broquet (en) Paul-Émile Pissarro (en) Robert Antoine Pinchon (en) Louis Cario (en)
Sana'a
Sana'a	painter (en) da mai zane-zanen hoto
Wurin aiki	Faris, Argenteuil (en) , Vétheuil (en) , Poissy (en) , Giverny (en) , Honfleur (en) , Trouville (en) , Amsterdam, Oegstgeest (en) , Sassenheim (en) , The Hague (en) , Zaandam (en) da Landan
Muhimman ayyuka	Zanen Ra'ayi, fitowar rana Garden at Sainte-Adresse (en) Houses of Parliament serie (en) La Corniche near Monaco (en) Water Lilies (en) Rouen Cathedral Series (en)
Wanda ya ja hankalinsa	Gustave Courbet (en) , Jean-François Millet (en) , Édouard Manet (en) , J. M. W. Turner (en) da Hokusai
Fafutuka	Zanen Ra'ayi
Artistic movement	landscape art (en) still life (en) Hoto (Portrait)
IMDb	nm1217328

Monet ya girma ne a garin Le Havre, Normandy, kuma ya fara sha'awar zanen waje tun daga ƙananun shekarunsa. Duk da cewa mahaifiyarsa Louise-Justine Aubrée Monet ta mara masa baya don cika burinsa na zama mai zane, mahifaisa kuwa wato Claude-Adolphe bai amince da hakan ba inda yake so ya zama dan kasuwa. Yana da kyakyawar alaka da mahaifiyarsa sai dai ta mutu ne a cikin watan Junairun shekarar 1857, a lokacin yana da shekaru goma sha shida a duniya, sannan aka turashi don yayi rayuwa a karkashin kulawar goggonsa attajira wacce bata taba haihuwa ba, Marie-Jeanne Lecadre. Daga nan ya zarce don yin karatu a jamiar Académie Suisse, kuma yayi karatu a karkashin shahararren masanin tarihin zane Charles Gleyre, kuma ya zamo abokin karatu ga Auguste Renoir. Ayyukansa na farko-farko sun hada da yanayin kasa, sassan teku, da zanen mutane wanda amma basu samu karbuwa ba da farko. Wani muhimmin mutum a rayuwar sana'arsa shine Eugène Boudin wanda ya koya masa salon zanen yanayi. Tun daga 1883, Monet ya cigaba da rayuwa a garin Giverny, wanda ke arewacin Faransa, inda ya siya gida da kuma fili kuma ya fara manyan ayyukan zanen filaye wanda suka hada da zanen korama na water-lily.

Burin Monet na ajiye kundin zanen yankunan Faransa ya kawo wani sabon salo na zane wanda ke daukar lokutan yini daban daban da kuma wucewar yanayi. Daga cikin wadannan zanuka na musamman da sukayi fice sun hada da zanen haystacks (1890–91), zanen Rouen Cathedral(1894), da kuma zanensa na Water lillies wanda ya kwashe tsawon shekaru ashiri yana yi.

Monet ya kara shahara da fice a cikin karni na 20, lokacin da ya zamo daya daga cikin muhimman masu zane na duniya kuma abun kwaikwayo ga sauran ƙungiyoyin masu zane da ke tasowa.

Haihuwarsa da yarintarsa

An haifi Claude Monet a ranar 14 ga watan Nuwamban shekarar 1840, a bene na biyar a gida mai lamba 45 da ke rue Laffitte, na garin 9th arrondissement of Paris. Shine ɗa na biyu ga mahaifansa Claude Adolphe Monet da kuma Louise Justine Aubrée Monet, dukkansu daga tsatso na biyu na mutanen Parisa. A ranar 20 ga watan Mayun shekarar 1841 ne aka masa baptiza a cocin Notre-Dame-de-Lorette, a matsayin Oscar-Claude, amma iyayensa na kiransa a saukake da Oscar. Duk da cewa anyi masa baptiza, Monet daga bisani ya koma mara addini.

Acikin shekara ta 1845, danginsa sun koma garin Le Havre da ke Normandie. Mahaifinsa, babban dan kasuwa yana so Monet ya shiga kasuwancin shigowa da kayayyaki don kasuwanci. Mahaifiyarsa kuwa ta kasance mawakiya ce, saboda haka ta goyo bayanshi a wajen cigaba da sana'ar zane.

A ranar 1 ga watan Afrilun shekarar 1851, ya shiga makarantar sakandare ta fasaha ta Le Havre. Ya kasance dalibi mai kwazo, bayan nuna kwarewarsa a zane, ya kasance yana yi wa abokansa da zane don samun kudi. Yayi darasinsa na farko a wajen Jacques-François Ochard, tsohon dalibin Jacques-Louis David. Acikin shekara ta Eugène Boudin, ya hadu da Eugène Boudin, wanda daga bisani ya karawa Monet karfin gwiwar fadada fasaharsa, kuma ya koya masa zanen waje (En plein air), kuma ya rike daukarsa don ziyarar wuraren zane. Monet ya dauki Boudin a matsayin malaminsa, "wanda ya gama masa komai" dangane da daukakar da ya samu daga baya.

Mahaifiyarsa ta rasu a cikin shekarar 1857. Ya cigaba da rayuwa da mahaifinsa inda daga baya goggonsa, Marie-Jeanne Lecadre; Lecadre ta cigaba da rike shi.

Paris da Aljeriya