نیکۆڵ کیدمن

براوەی خەڵاتی ئۆسکارە و گۆرانیشی وتووە.

ھاوڵاتی ئوسترالیا
کیدمەن لە (٦٥)ەمین فیستیڤاڵی نێونەتەوەیی فیلمی بێرلین، شوباتی ٢٠١٥
لەدایکبوون	نیکۆڵ مەری کیدمەن (١٩٦٧-٠٦-٢٠) ٢٠ی حوزەیرانی ١٩٦٧ (تەمەن ٥٦ ساڵ) ھۆنۆلولو ھاوایی  ویلایەتە یەکگرتووەکان
نیشتەجێی	سیدنی  ئوسترالیا ناشڤیڵ  ویلایەتە یەکگرتووەکان
نەتەوە	ئوسترالی و ئەمریکی
پیشە	خانمەئەکتەر و دەرھێنەر
چالاکبوون	١٩٨٣ تاکوو ئێستا
ھاوسەر	تۆم کرووز (ھاوسەرگیری ١٩٩٠؛ جیابوونەوە ٢٠٠١) کەیس ئوربان (ھاوسەرگیری ٢٠٠٦)
مناڵ(ەکان)	٤
خزمەکان	ئەنتۆنیا کیدمەن (خوشک)
وێبگە	وێبگەی فەرمی

کیدمەن لە ساڵی ١٩٨٩ بە بەشداری لە فیلمی بێدەنگی گۆڕستانی ئاوازەی دەرکرد. کارنامەی ھونەریی خۆی لە دەیەی ٩٠ و وێڕای ھاوسەری پێشووی تۆم کرووز بەدەست ھێنا. ئەو بە بەشداری لە فیلمی بۆ ئەو مردن زۆر ڕێزی لێ گیرا و توانی چەند خەڵاتێکی وەکوو؛ گۆڵدن گڵۆب، خەڵاتی ئیمپایەر و ئەنجومەنی ڕەخنەگرانی لەندەن بەدەست بێنێ. دوای ئەمە بە دەرکەوتنی لە فیلمی چاوە تەواو داخراوەکان و خەڵکی تر و مولێن ڕوژ لایەنگرێکی زۆری بۆخۆی پەیدا کرد و سەرنجەکانی خستنە سەر خۆی.

نیکۆڵ لە ٢٠٠٢ بەھۆی نواندنی سەرنجڕاکێش لە فیلمی کاتژمێرەکان خەڵاتی ئۆسکاری باشترین ئەکتەری ژن، گۆڵدن گلۆب و بفتای بردەوە. کیدمەن لەم فیلمە دا ڕۆڵی ڤیرجینا وۆڵف ڕۆماننووسی ئینگلیزی دەربڕی کە کەسێک بوو تووشی نەخۆشی دەروونی ھاتبوو.

دوای ئەمە بە دەرکەوتن لە فیلم گەلێکی وەکوو کوێشتانی سارد و لەدایکبوون درێژەی بە سەرکەوتنەکانی دا و ئافەرینێکی زۆری وەرگرت.

لە ساڵی ٢٠١٠ بەھۆی ڕۆڵ و نواندنی باشی لە فیلمی ھێلانەی کەروێشک توانی دیسان نێوزەدی وەرگری خەڵاتی ئۆسکار بێت

ژیانی سەرەتایی

باوکی نیکۆڵ ئیرلەندی و دایکیشی سکۆتلەندی بووم، کە ھەردووکیان لە ئوسترالیا لە دایک ببوون. بەڵام نیکۆل لە شاری ھۆنۆلولوی ویلایەتی ھاوایی ویلایەتە یەکگرتووەکانی ئەمریکا لە دایک بوو و بۆیە ھەردوو ڕەگەزنامەی ئوسترالی و ئەمریکی ھەیە. باوکی، «ئەنتۆنی» زانای کیمی کلینیکاڵ و دایکی «جەنێڵ ئان» فێرکاری پەرەستاری بوو.