Intsik Na Mandarin
An Mandarin o Estandarteng Mandarin, (國語/国语) o sinasabi man na iyo an Estandarteng Pangataram na Intsik, iyo an modernong opisyal na Insik na lenggwahe kan bilog na Mainland China, kan Taiwan asin saro sa opisyal na tataramon man kan Singapur.
| An artikulong ini dai nagsasambit nin ano man na ikatolong partidong ginonoan o ginikanan. Tabangi tabì na mapakarhay ining artikulo sa paagi kan pagdugang nin katobod-tobod na ginonoan. An mga materyal na dai napatotoohan pwedeng kwestyonon asin halion. (Mayo 2008) |
Fonolohiya
An fonologia kan Estandarteng Mandarin itinugmad sa dyalektong Pekin, sarong mahiwas asin dakulang grupo nin mga dyalektong Insik na lakop sa habagatan asin sur-solnopan kan kadagaan kan Tsina. Siring man, an bokabularyo kaini ginuno man sa mga sinasabing dyalekto. An gramatika kaini ginibong estandarte sa mga nasusurat na obra literaryo kan inaapod na Vernacular Chinese na iyo man ngani an sinusunod na praktis kan mga dyalektong Mandarin, maliban sana sa magkapirang pagkakaiba. Kaya an "Estandarteng Mandarin" arapodan sana "Mandarin" kun gamit sa ordinaryong sitwasyon na bakong pang-akademiko. Alagad, an mga linggwista boot sabihon kan "Mandarin" iyo na an bilog na kahiwasan kan lenggwaheng ini.
An 'Estandarteng Mandarin binibisto sa iba-ibang pangaran:
- sa People's Republic of China bisto ini sa apod na Pǔtōnghuà (tradisyonal na Insik 普通話; sinimpleng Insik 普通话;na boot sabihon, pangataram na ordinaryo).
- sa Republika kan Tsina (Taiwan) Guóyǔ an apod (tradisyonal na Insik 國語;sinimpleng Insik国语, lenggwaheng nasyonal)
- sa Malaysia asin Singapur, apod kaini Huáyǔ (tradisyonal na Insik 華語; sinimpleng Insik 华语, lenggwaheng Insik na pangkultura)
Maski siring an manlaenlaen na arapodan, an mga kaiinsikan sa mga kumonidad sa kinaban ginagamit ining paribay-ribay sana. [1]
This article uses material from the Wikipedia Bikol article Intsik na Mandarin, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Bikol (DUHOCTRUNGQUOC.VN) is an independent company and has no affiliation with Wiki Foundation.