Къурайш: ӏаднанийн ӏаьрбийн тайпа ду

Тукхаман да ФихӀр ибн Малик ву, цуьнан шолгӏа цӀе «Къурайш» хилла.

(Маккахь доссийна, диъ аят ду)

Къинхетамечу, Къинхетам бечу АллахIан цIарца!

1. Къурайшийн бартан дуьхьа!

2. Барт хуьлийла церан - Iаьнан а, аьхкенан а некъашлахь.

3. Лолла дойла цара хIокху ЦIийнан [КаIбин] Далла –

4. Мацаллех шаьш бузийначу а, кхерамах шаьш хьалхабаьхначу а.

______________

Дуккхаъчу КъурIанах кхеточарна (тидархошна) хетачуьнга хьаьжча, хIара сурат - хьалхарачу суратан маьIнин тIахье яр ду. И бохург ду: АллахIа, таIзар а дина, хIаллакбина пийлийн бIо - къурайшийн кхерамзаллин а, церан аьттонан а дуьха.

Иштта Сийлахь-Везачу АллахIа Маккарчу бахархошна гIо дина - сане махлелоран некъаш доло: Iай - Йемене, аьхка – Шема. АллахIа хIаллакбина - царна дуьхьал вониг дагалаьцна берш, царна вониг лиъна берш. И бахьана долуш Iаьрбийн бIаьра хьалха хьаьжицIа (КаIбат) а, маккахой а сийлахь бина. Цара чIогIа лоруш бара уьш, цкъа а церан махлелоран коврашна новкъарло а ца йора цара.

ХIан, хIокху шайх биначу къинхетаман дуьхьа цаьрга омра дина АллахIа, шайн Далла шукар де, хастам бе аьлла: «Лолла дойла цара хIокху ЦIийнан [КаIбатан] Далла». И цхьаъ войла аша, Оцу цхьанна дог цIенна лолла а дойла аша: «Мацаллех шаьш бузийначу а, кхерамах шаьш хьалхабаьхначу а».

Цо шуна делла долу дуьненан тIех доккха дика – дуург а, кхерамзалла а, кхин хIуммаъ ца хилча а, оцу даккхийрачу дуьненан диканаша декхарийлахь до шу Сийлахьчу АллахIана хастаме хила.

Я, АллахI! Хастам бу хьуна, шукар до хьуна — Ахьа тхуна мел деллачу диканашна!

АллахI — мел долучу хIуманан Дела ву. Делахь а, сийлахь-деза хьаьжцIа (КаIбат) кхиболучу кхолламашна юккъера даздина схьакъастийна Цо - цуьнан дикалла а, сийлалла а бахьанехь.

ХӀара  исламах лаьцна чекхбаккханза йаззам бу. Хьоьга, йоза тодина, нисдина, гӀо далур ду проектана.