Луьсталла

Бахархойн лусталлин чот йеш таро йун ах ца беха меттигаш а, даккхийра чоьхьара хин аренаш а йукъара йаха. Бахархой йуккъера луьсталла йоцуш, лелабо цхьацца лусталлин гайтамаш йартийн а, гӀалийн а бахархошна.

Дуьненан бахархойн йуккъера луьсталла 2013 шеран хьолан йара 52 стаг км² тӀехь, ткъа Антарктидан а чот йича 48 стаг км² тӀехь. Бахархойн барам тӀекхетчи, тӀекхета цуьнан луьсталла а. 1890 шарахь дуьненан бахархойн йуккъера луьсталла йара 12 стаг цхьаьна км², 1950 шарахь хилира 18 стаг, ткъа 1992 шарахь — 40 стаг.

Адамаш цхьатерра декъаделла дац дуьненан эхигашна тӀехь. Дукхаха берш беха Къилбаседа (90 %) а, Малхбален (85 %) а дуьненан эхигашкахь. Бахархойн луьсталла чӀогӀа, иттаза сов а, къаьста материкашна йукъахь. Кхин а чӀогӀа йу башхаллаш бахархойн луьсталлехь дуьненан тайп-тайпанчу мехкашкахь.

Адамаш охьаховшаран, цигара схьа бахархой луьсталлин Ӏаткъам бен факторш йу:

1. ХӀордан генахь-гергахь хилар
2. Меттиган абсолютан локхалла
3. Меттиган рельеф
4. Мохк караберзийна хан
5. Климат

Хаамаш терхьашкахь: стаг квадратан километрна

• Дакка — 44 000 (мах хадийна 2014 шарахь)
• Манила — 42 858 (агломераци Метро-Манила — 18 246 (2007 шо)
• Монако — 37 172
• Мумбаи — 32 300 (мах хадийна 2014 шарахь)
• Макао — 22 885
• Париж — 21 196 (мах хадийна 2014 шарахь агломерацехь «Йоккха Париж» — 3900)
• Токио — 14 061 (23 башха гуонашкахь, йерриг гӀалин префектурин чоьтаца – 5963)
• Солигорск — 11 173
• Сингапур — 7971
• Минск — 5509 (мах хадийна 2014 шарахь)
• ГӀазатан сектор — 5044 (мах хадийна 2014 шарахь)
• Москох — 4822 (Керла Москохца) (мах хадийна 2014 шарахь Москохан агломерацина — 3400)
• Малта — 1418
• Мальдиваш — 1208
• Европин Барт — 115
• Австрали — 3
• Монголи — 2