Раиса Солтамурадовна Ахматова (1928 шеран 13 декабрь, Соьлжа-ГӀала — 1992 шеран 29 январь) — нохчийн поэтесса, Нохчийн Республикин Халкъан поэтесса (1977), Нохч-ГӀалгӀайн АССР йаздархойн бертан председатель (1961—1983), Нохч-ГӀалгӀайн АССР Лакхара Советан председатель (1963—1985).
Раиса Солтамурадовна Ахматова | |
---|---|
ГӀуллакхан тайпа | Поэт, Журналист, йаздархо, Публицист |
Йина терахь | 1928 шеран 30 декабрь |
Йина меттиг | |
Кхелхина терахь | 1992 шеран 29 январь (63 шо) |
Кхелхина меттиг | Соьлжа-ГӀала, Нохчийн Республика, РСФСР, СССР |
Корматалла | поэтесса, публицист |
Гражданалла | СССР |
Раиса Солтамурадовна Ахматова Викилармехь |
Раиса Ахматова йина 1928 шеран 13 декабрехь. 1943 шарахь цо чекхйаьккхира Соьлжа-ГӀалин хьехархойн училище. Нохчий а, гӀалгӀай а цӀера баьхнача хенахь цо хьехархо болх бира. 1956 шо дуьйна иза йара журналист. 1958 шарахь иза деша йахара А. М. Горькийн цӀарах йолу литературин институтан лакхара литературин курсашка.
Раиса Ахматовас лоцура докха дакъа йукъараллин бахамехь. Иза йара Нохч-ГӀалгӀайн АССР йаздархойн бертан председатель (1961—1983), Нохч-ГӀалгӀайн АССР Лакхара Советан председатель (1963—1985), XXII КПСС гуламан депутат а, Дерригдуьненан герз дӀадаккхаран а, машеран конгрессан декъашхо, Советски машар Ӏалашйаран комитетан декъашхо. Шен дахаран тӀаьххьара шерашкахь иза йара советски культурин фондан республикин дакъан куьйгалхо.
Цо йазйина дукха книгаш йара йух-йуха арахоьцуш. Иза йу цхьаъ бен йоцу зуда Нохч-ГӀалгӀайн Республикин Халкъан поэт хилларг.
Цхьаболу талламхош боху цуьнан произведенийн йуьззина архив (600 папка сов) Хьалхара нохчийн тӀом болуш хӀаллакхилла.
This article uses material from the Wikipedia Нохчийн article Ахматова, Раиса Солтамурадовна, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Чулацам лело мега CC BY-SA 4.0 лицензица (кхениг билгалйина йацахь). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Нохчийн (DUHOCTRUNGQUOC.VN) is an independent company and has no affiliation with Wiki Foundation.