Ar paper a zo un danvez fardet diwar gwiad plant lakaet da vezañ un toaz hag a c'hell bezañ gwasket evit ober follennoù moan-tre gantañ.
Ur baperenn a zo ur follenn baper hec'h-unan. Ijinet eo bet ar paper evit bezañ implijet evit skrivañ, ha meur a implij all a zo, evel gronnañ traoù pe ober kinkladurioù.
Krediñ a reer eo bet ijinet ar paper gant ar Sinaiz p'eo bet kavet ar baperenn goshañ e Bro-Sina deiziadet eus ar bloaz - 8 ktJK. Evit e veze kontet a-gozh gant ar Sinaiz e oa bet ijinet ar paper dindan ren Qin Shi Huang, diazezer an tiernelezh Qin en 3vet kantved ktJK.
Hervez ur vojenn all e vije bet reolennet penaos fardañ ar paper gant ur ministr sinaat karget eus ar gounezerezh er bloaz 105, ken e oe produet e-leizh.
Hervez an hengoun e vije bet dizoloet ar paper gant an Arabed pa oan bet trec'h war ar Sinaiz en emgann Talas (745). Koulskoude eo bet kavet e oa anavezet an dra dija. Er mare-se e komprenas an Arabed ervat eo ar paper ur benveg dreist evit dasparzh ar mennozhioù ha dont a reas kêr Samarkand da vezañ ur greizenn evit eilañ testennoù an Islam war dornskridoù e paper. Kompren a rejont ivez e oa gwelloc'h ouzhpennañ pilhoù roget d'ar plant a veze implijet.
A feur ma tostaas an Arabed ouzh Europa e oe ledanaet implij ar paper di war-dro ar bloaz Mil. E Bro-C'hall ez eus roudoù eus implij ar paper war-dro 1200.
This article uses material from the Wikipedia Brezhoneg article Paper, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.