Menez
Ur menez zo ur stumm douarel a sav e dolzenn uheloc'h eget al leur en un takad bennak.
Gant ar ger Menez e tegouezher amañ. Evit sterioù all ar ger, gwelit Menez (disheñvelout).
Bez' ez eus menezioù war 24% eus gorread an Douar : 52% eus hini Azia, 36% eus hini Norzhamerika, 22% eus hini Suamerika ha 17% eus hini eus Europa. Menezidi eo 10% eus n dud, da lavaret eo e vevont er menezioù.
| Iskevrennad eus | elevation, natural geographic object  |
|---|---|
| Rann eus | Aradennad venezioù |
| Studiet gant | geomorphology |
| Model item | Menez Everest, K2, Table Mountain, Matterhorn, Olimpos |
| Arouezenn Unicode | ⛰, 🏔, ⛰️ |
| Roll elfennoù | list of mountains |
| Category for the view from the item | Category:Views from mountains |
| Category for the view of the item | Category:Views of mountains |
Ar stêrioù pennañ a eien er menezioù peurvuiañ, ken e teu alese an hanter eus an dour a vez implijet gant an dud.
Uhelder
Jedet e vez uhelder ar menezioù dre vuzuliañ an diforc'h etre live ar mor (0 metr dre genemgev) ha live o leinoù.
Menez Everest eo an hini uhelañ war an Douar, 8 848,86 metr dezhañ ; en aradennad-venezioù ledanañ er bed emañ.
- Digenvez ha baliregezh
Ral a wech e vez ur menez en e unan war un dachenn. Ouzhpenn d'e uheler neuze e vez muzuliet e zigenvezh hag e valiregezh.
- Digenvez a reer eus an hed diwar-nij a zo etre ar menez M hag an uhelañ tachenn amezek, eleze skin ar c'helc'h m'eo barr M al lec'h uhelañ.
- Baliregezh a reer eus an dilive a zo etre barr ur menez M hag an ode uhelañ a ro tro da dizhout ur menez uheloc'h.
Menezioù dibar
- Ar menez pellañ eus kreiz an Douar eo ar Chimborazo en Ecuador, rak bolzennek eo an Douar a-hed ar C'heheder. Gant 6 272 metr avat n'eo ket al lein uhelañ en e aradennad-venezioù, an Andoù. Tostoc'h da greizenn an Douar emañ Menez Everest, pa 'z eus un diforc'h 2 150 m a zo etre eñ ha Chimborazo.
- Lein ar menez-tan Mauna Kea en Enez Hawai‘i eo an hini pellañ eus e ziaz, p'emañ 9 000 metr a-us strad ar Meurvor Habask.
- Mons Olympos war Meurzh eo ar menez uhelañ e koskoriad an Heol, 26 000 metr uhelder dezhañ.
Gwelet ivez
This article uses material from the Wikipedia Brezhoneg article Menez, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.