Convergència I Unió
Convergència i Unió (pe CiU) zo un emglev etre daou strollad politikel eus Katalonia anvet Convergència Democràtica de Catalunya hag Unió Democràtica de Catalunya.
Daou strollad eus an tu kreiz-dehou int, CDC a-du gant ar frankizouriezh hag UDC gant an demokratelezh kristen. Ul luskad broadelour eo CiU, hag a c'houlenn muioc'h a emrenerezh evit Katalonia kentoc'h eget an dizalc'hted leun.
ar strollad CiU
E penn gouarnamant Katalonia eo bet ar strolladoù CDC hag UDC etre 1980 ha 2003, dindan ren Jordi Pujol, a voe prezidant ar Generalitat de Catalunya betek dibenn 2003. Etre 2003 ha 2010 ne oa ket er galloud e Katalonia, daoust ma oa CiU ar strollad brasañ e parlamant Katalonia, rak renet e oa ar vro gant un emglev savet etre strolladoù eus an tu-kleiz. D'an 28 a viz Du 2010 e oa aet ar maout gant CiU adarre, er votadeg evit parlamant Katalonia.
CiU eo an trede strollad brasañ dileuriet e parlamant Spagn, war-lerc'h ar PSOE (sokialourien) hag ar Partido Popular (mirourien).
Notennoù
Liammoù diavaez
- Convergència i Unió (CiU) (e katalaneg)
This article uses material from the Wikipedia Brezhoneg article Convergència i Unió, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Danvez a c'haller implijout dindan CC BY-SA 4.0 nemet ha notet e vefe ar c'hontrol. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Brezhoneg (DUHOCTRUNGQUOC.VN) is an independent company and has no affiliation with Wiki Foundation.